എ സര്‍ട്ടിഫിക്കറ്റ്, 3 മണിക്കൂര്‍ 21 മിനിറ്റ്; റിലീസിനൊരുങ്ങുന്ന ഏറ്റവും ദൈർഘ്യമേറിയ ചിത്രമായി 'അനിമല്‍'

രൺബീർ കപൂറിന്റെ ഏറ്റവും പുതിയ ആക്ഷൻ ത്രില്ലറായ അനിമലിന് ‘എ’ സർട്ടിഫിക്കറ്റ്.   ചിത്രത്തിന് സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ (സിബിഎഫ്‌സി) ‘എ’ സർട്ടിഫിക്കറ്റാ ണ് നൽകിയതെന്ന വിവരം നിർമ്മാതാക്കൾ തന്നെയാണ് വെളിപ്പെടുത്തിയത്.

അർജുൻ റെഡ്ഡി, കബീർ സിംഗ് തുടങ്ങിയ ചിത്രങ്ങളുടെ സംവിധായകനായ സന്ദീപ് റെഡ്ഡി വംഗയും രൺബീർ കപൂറും ആദ്യമായി ഒന്നിക്കുന്ന ചിത്രമാണ് അനിമൽ. അനിൽ കപൂർ ആണ് ചിത്രത്തിൽ രൺബീറിന്റെ പിതാവായി അഭിനയിക്കുന്നത്. പിതാവിനോട് ഏറെ അഭിനിവേശമുള്ള ഒരു മകനായാണ് രൺബീർ എത്തുന്നത്. അച്ഛൻ- മകൻ ബന്ധത്തിന്റെ സങ്കീർണ്ണതകളിലൂടെ സഞ്ചരിക്കുന്ന ചിത്രത്തിൽ ഏറെ വയലൻസ് അടങ്ങിയിട്ടുണ്ടെന്നാണ് പുറത്തുവരുന്ന റിപ്പോർട്ടുകൾ.

എ സർട്ടിഫിക്കറ്റോടെ റിലീസിനൊരുങ്ങുന്നു എന്നതു മാത്രമല്ല, ചിത്രത്തിന്റെ ദൈർഘ്യവും പ്രേക്ഷകരെ അതിശയിപ്പിക്കുന്ന ഘടകമാണ്. 3 മണിക്കൂർ 21 മിനിറ്റാണ് ചിത്രത്തിന്റെ ദൈർഘ്യം. 200 മിനിറ്റ് ദൈർഘ്യം വരുന്ന അനിമൽ അതോടെ സമീപകാലത്തെ ഏറ്റവും ദൈർഘ്യമേറിയ മെയിൻസ്ട്രീം റിലീസായി മാറുകയാണ്. 

Censor rating for ANIMAL is A :-)
3 hour 21 minutes 23 seconds & 16 frames is the Runtime :-)#AnimalTheFilm
Releasing on Dec 1st@VangaPictures@TSeries

— Sandeep Reddy Vanga (@imvangasandeep) November 22, 2023

മൾട്ടിപ്ലെക്‌സുകളിൽ പ്രീ-ഫിലിം പരസ്യങ്ങളും ഇടവേളയും ക്ലീനിംഗ് സമയവും ഉള്ളതിനാൽ എല്ലാം കണക്കിലെടുക്കുമ്പോൾ ഏകദേശം നാല് മണിക്കൂർ ദൈർഘ്യമുള്ള ഒരു ഷോയായി ആനിമൽ മാറും. ഈ സമയദൈർഘ്യം തിയേറ്ററുകളിലെ സിനിമയുടെ പ്രദർശനത്തെയും ബാധിക്കും. 

സിനിമയുടെ ഉള്ളടക്കം ക്ലിക്കാവുകയാണെങ്കിൽ, ബോളിവുഡിൽ ഏറ്റവും കൂടുതൽ വരുമാനം നേടിയ അഡൽറ്റ് റേറ്റഡ് ചിത്രങ്ങളിൽ ഒന്നായി മാറാൻ അനിമലിന് സാധിക്കും. നിലവിൽ, സന്ദീപ് റെഡ്ഡി വംഗയുടെ 2019 ലെ കബീർ സിംഗ് 278 കോടി രൂപയുമായി പട്ടികയിൽ ഒന്നാം സ്ഥാനത്താണ്, യഥാക്രമം 252 കോടി രൂപ നേടി ദി കാശ്മീർ ഫയൽസും  242 കോടി രൂപയുമായി ദി കേരള സ്റ്റോറിയും തൊട്ടുപിന്നിലുണ്ട്. 

അനിമലിൽ ബോബി ഡിയോൾ പ്രധാന എതിരാളിയായി എത്തുന്നു. രശ്മിക മന്ദാന, ത്രിപ്തി ദിമ്രി, ശക്തി കപൂർ എന്നിവരാണ് മറ്റു താരങ്ങൾ. ഡിസംബർ ഒന്നിന് റിലീസ് ചെയ്യാൻ ഒരുങ്ങുന്ന ചിത്രം ബോക്‌സ് ഓഫീസിൽ വിക്കി കൗശലിന്റെ സാം ബഹദൂറുമായി ഏറ്റുമുട്ടും.

Read More Entertainment News Here

• 70-ാം വയസ്സിലും എത്ര ആക്റ്റീവാണെന്നു കണ്ടോ, എന്റെ അമ്മ സൂപ്പറാ: ഹൃത്വിക് റോഷൻ
• 50 രൂപ പ്രതിഫലത്തിൽ നിന്നും തുടങ്ങി, ഇന്ന് 770 ദശലക്ഷം ഡോളർ ആസ്തി; ഇത് ഷാരൂഖ് മാജിക്
• ബംഗ്ലാവുകൾ, ആഡംബര കാറുകൾ, പ്രൈവറ്റ് ജെറ്റ്, 138 കോടിയുടെ ആസ്തി; നയൻതാരയുടെ ലക്ഷ്വറി ജീവിതം
• ചാന്ദിനി ചൗക്കിലെ ഒറ്റമുറി വീട്ടിലാണ് ഞാനും എന്റെ 24 അംഗ കുടുബവും താമസിച്ചിരുന്നത്: അക്ഷയ് കുമാർ
• രജനികാന്തും വിജയുമൊന്നുമല്ല; തെന്നിന്ത്യയിലെ ഏറ്റവും ധനികനായ നടന്‍ ഇതാണ്