പ്രായം വെറും 70; സൂപ്പര്‍ താരത്തിന്‍റെ സൂപ്പര്‍ അമ്മ

അമ്മ പിങ്കി റോഷന്‍റെ ജന്മദിനത്തിൽ ഹൃത്വിക് റോഷൻ പങ്കുവച്ച വീഡിയോ ആണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്. ജിമ്മിൽ ഉത്സാഹത്തോടെ നൃത്തം ചെയ്യുന്ന പിങ്കി റോഷന്‍റെ വീഡിയോ അവരറിയാതെ പകർത്തിയിരിക്കുകയാണ് ഹൃത്വിക്. 'കയ്യടിക്കൂ' എന്നാണ് വീഡിയോ ഷെയർ ചെയ്ത് ഹൃത്വിക് കുറിച്ചത്. 

ഹൃത്വിക് ജിമ്മിലേക്ക് കയറി ചെല്ലുമ്പോൾ അകത്തു നിന്നു പാട്ട് കേൾക്കാം. 'ഞാൻ ജിമ്മിൽ കയറിയപ്പോള്‍ അവിടെ മ്യൂസിക്‌ ഓണാണ്, അതിനർത്ഥം എന്‍റെ അമ്മ നൃത്തം ചെയ്യുന്നു എന്നാണ്,' എന്നു പറഞ്ഞുകൊണ്ടാണ് ഹൃത്വിക് ക്യാമറ അമ്മയ്ക്കു നേരെ തിരിക്കുന്നത്. ടെറസ് ഏരിയയിൽ പാട്ട് ആസ്വദിച്ച് ഉത്സാഹത്തോടെ നൃത്തം ചെയ്യുന്ന പിങ്കിയെ വീഡിയോയിൽ കാണാം. 

'ചിരിക്കാനും നിങ്ങളുടെ വേദന സഹിച്ച് ജീവിക്കാനും പഠിക്കൂ എന്നാണ് ചാപ്ലിൻ പറഞ്ഞത്. അമ്മേ, അത് ഞാൻ നിങ്ങളിൽ നിന്ന് പഠിക്കുന്നു. എന്‍റെ സൂപ്പർമോമിന് 70-ാം ജന്മദിനാശംസകൾ! നിങ്ങളെപ്പോലെ ആരും ഇല്ല! ഞാൻ നിങ്ങളെ സ്നേഹിക്കുന്നു. എല്ലാവരും വരൂ, കൈയടിക്കൂ,' ഹൃത്വിക് കുറിച്ചു. 

View this post on Instagram

A post shared by Hrithik Roshan (@hrithikroshan)

പിങ്കി റോഷന്‍റെ വീഡിയോയ്ക്ക്  താഴെ ആരാധകരുടെ കമന്റുകൾ നിറയുകയാണ്. 'നന്നായി ക്യാപ്ച്ചർ ചെയ്തിരിക്കുന്നു. സന്തോഷം ഇതിൽ കൂടുതൽ വിശദീകരിക്കാനില്ല," എന്നാണ് ഹൃത്വികിന്‍റെ പിതാവ് രാകേഷ് റോഷൻ കുറിച്ചത്.  

'നൃത്തം നിങ്ങളുടെ ജീനിൽ ഉണ്ടെന്ന് ഈ വീഡിയോ തെളിയിക്കുന്നു. അമ്മയ്ക്ക് ജന്മദിനാശംസകൾ,' എന്നാണ് ഒരു ആരാധകൻ കുറിച്ചത്. 

തന്‍റെ പുതിയ ചിത്രമായ ഫൈറ്ററിന്‍റെ പണിപ്പുരയിലാണ് ഹൃത്വിക്.  സിദ്ധാർത്ഥ് ആനന്ദ് സംവിധാനം ചെയ്യുന്ന ചിത്രത്തിൽ ദീപികയാണ് നായിക. 2024 റിപ്പബ്ലിക് ദിനത്തിൽ  ചിത്രം റിലീസിനെത്തുമെന്നാണ് റിപ്പോർട്ട്.

Read More Entertainment News Here

• 50 രൂപ പ്രതിഫലത്തിൽ നിന്നും തുടങ്ങി, ഇന്ന് 770 ദശലക്ഷം ഡോളർ ആസ്തി; ഇത് ഷാരൂഖ് മാജിക്
• ബംഗ്ലാവുകൾ, ആഡംബര കാറുകൾ, പ്രൈവറ്റ് ജെറ്റ്, 138 കോടിയുടെ ആസ്തി; നയൻതാരയുടെ ലക്ഷ്വറി ജീവിതം
• ചാന്ദിനി ചൗക്കിലെ ഒറ്റമുറി വീട്ടിലാണ് ഞാനും എന്റെ 24 അംഗ കുടുബവും താമസിച്ചിരുന്നത്: അക്ഷയ് കുമാർ
• രജനികാന്തും വിജയുമൊന്നുമല്ല; തെന്നിന്ത്യയിലെ ഏറ്റവും ധനികനായ നടന്‍ ഇതാണ്