അവധിക്കാല ചിത്രങ്ങളുമായി ബോളിവുഡ് താരം പ്രിയങ്ക ചോപ്ര

ആരാധകർ ഏറെ കൗതുകത്തോടെ പിന്തുടരുന്ന താരജോഡികളാണ് ബോളിവുഡ് നായിക പ്രിയങ്ക ചോപ്രയും ഭർത്താവ് നിക്ക് ജോനാസും. ഇരുവരുടെയും ചിത്രങ്ങളും വിശേഷങ്ങളും സോഷ്യൽ മീഡിയയിൽ പ്രത്യക്ഷപ്പെട്ടാൽ ഉടൻതന്നെ വൈറലാകാറുമുണ്ട്. ശനിയാഴ്ച താരദമ്പതികൾ പങ്കുവച്ച കുടുംബത്തോടൊപ്പമുള്ള അവധിക്കാല ചിത്രങ്ങളാണ് സോഷ്യൽ മീഡിയയിൽ ഇപ്പോൾ ട്രെന്റിങ്ങ്. 

മകൾ മാൾട്ടി മേരിക്കുമൊപ്പമുള്ള ചിത്രങ്ങളും പ്രിയങ്ക തന്റെ ഇൻസ്റ്റാഗ്രാം അക്കൗണ്ടിലൂടെ പങ്കുവച്ചിട്ടുണ്ട്. ഊഞ്ഞാലിൽ ഇരുന്നും കാറലിരുന്നും ഫോട്ടോയ്ക്കു പോസുചെയ്യുന്ന കുട്ടിയുടെ വിവിധ ചിത്രങ്ങളോടൊപ്പം, ക്യാൻഡിൽ നൈറ്റ് ഡിന്നറിന്റെ ചിത്രങ്ങളും താരം പങ്കുവച്ചു. നിരവധി ആരാധകരാണ് ചിത്രങ്ങളിൽ കമന്റുമായെത്തിയത്.

View this post on Instagram

A post shared by Priyanka (@priyankachopra)

പ്രൈം വീഡിയോ സീരീസായ സിറ്റഡൽ, ഹോളിവുഡ് ചിത്രമായ ലവ് എഗെയ്ൻ എന്നി ചിത്രങ്ങളിലാണ് പ്രിയങ്ക അവസാനമായി അഭിനയിച്ചത്. ആലിയ ഭട്ട് , കത്രീന കൈഫ് എന്നിവർക്കൊപ്പം ഫർഹാൻ അക്തറിന്റെ ജീ ലെ സരാ എന്ന ചിത്രത്തിൽ നായികമാരിൽ ഒരാളായി പ്രിയങ്ക എത്തുന്നതായും റിപ്പോർട്ടുകൾ വന്നിരുന്നു. 

Also Read: ജന്മദിനാഘോഷം പട്ടോഡി കൊട്ടാരത്തിൽ; മകനോടൊപ്പമുള്ള ചിത്രങ്ങളുമായി കരീന കപൂറും സെയ്ഫ് അലി ഖാനും