സിനിമ പ്രൊമോട്ട് ചെയ്യില്ലെന്ന് കട്ടായം പറഞ്ഞ് വിനീതും അജുവും;  നൈസായി പറ്റിച്ച് നോബിൾ

സിനിമയുടെ പ്രമോഷനും അൽപ്പം വ്യത്യസ്തമാക്കുകയാണ് ഫിലിപ്സ് സിനിമയുടെ അണിയറ പ്രവർത്തകർ. ചിത്രത്തിന്റെ  പ്രമോഷനു വേണ്ടി നടൻ നോബിൾ ബാബു തോമസ് വിനീത് ശ്രീനിവാസനെയും അജു വർഗീസിനെയും സമീപിക്കുന്നതും തുടർന്നുണ്ടാവുന്ന രസകരമായ സംഭാഷണങ്ങളും ഒടുവിലെ ട്വിസ്റ്റുമാണ് ഫിലിപ്സ് പ്രമോഷൻ വീഡിയോയെ ശ്രദ്ധേയമാക്കുന്നത്. 

വിനീതിനെ സമീപിക്കുമ്പോൾ, ഈ സിനിമയുമായി യാതൊരു ബന്ധവുമില്ലാത്ത ഞാനെന്തിന് ഈ പടം പ്രമോട്ട് ചെയ്യണമെന്നാണ് നോബിളിനോട് വിനീത് ചോദിക്കുന്നത്. അതിനിടയിൽ തന്റെ ടീഷർട്ട്  തപ്പി നടക്കുന്ന വിനീതിന് നോബിൾ ഒരു ടീഷർട്ട് നൽകുന്നു. കുറച്ചു കുട്ടികൾ കാണാൻ കാത്തിരിക്കുന്നുണ്ട്, അവരുടെ കൂടെ ഒരു ഫോട്ടോ എടുക്കാനും നോബിൾ പറയുന്നു. ആരാധകർക്കൊപ്പം സന്തോഷത്തോടെ വിനീത് ചിത്രത്തിനു പോസ് ചെയ്യുന്നു. എന്നാൽ ആ ചിത്രം തന്നെ ഫിലിപ്സിനെ പ്രമോട്ട് ചെയ്യുന്നതാണ് ട്വിസ്റ്റ്. "വേറെ വഴിയില്ല അളിയാ," എന്ന അടിക്കുറിപ്പോടെയാണ് നോബിൾ ഈ വീഡിയോ ഷെയർ ചെയ്തത്. 

View this post on Instagram

A post shared by Noble Thomas (@noblebabuthomas)

വിനീതിന്റെ വീഡിയോയ്ക്കു പിന്നാലെ അജു വർഗ്ഗീസിന്റെയും വീഡിയോ എത്തിയിരിക്കുകയാണ് ഇപ്പോൾ. അജുവിനെ തേടി വീട്ടിലേക്ക് എത്തുന്ന നോബിളിനോട് നിന്നോട് ഇങ്ങോട്ട് വരേണ്ടെന്ന് ഞാൻ പറഞ്ഞില്ലേ എന്നു കയർക്കുകയാണ് അജു. വിനീതിനെ പറ്റിച്ചതു പോലെ എന്നെ പറ്റിക്കാൻ പറ്റൂല എന്നും അജു പറയുന്നു.  ഈ പടത്തിൽ വേഷം തരാത്തതുകൊണ്ടു തന്നെ ഞാൻ സഹകരിക്കൂല എന്ന് കട്ടായം പറയുകയാണ് അജു. അതിനിടയിൽ ഒരു ആരാധകൻ ആ വഴി വന്ന് അജുവിനൊപ്പം ഒരു ചിത്രമെടുത്തോട്ടെ എന്ന് ചോദിക്കുകയാണ്.  അജു സമ്മതം മൂളുന്നു. പിന്നെയാണ് ട്വിസ്റ്റ്.

View this post on Instagram

A post shared by Noble Thomas (@noblebabuthomas)

 ലിറ്റിൽ ബിഗ് ഫിലിംസിന്റെ ബാനറിൽ സുവിൻ കെ വർക്കി, പ്രശോഭ് കൃഷ്ണ എന്നിവർ നിർമിക്കുന്ന ചിത്രത്തിന്റെ സംവിധാനം നിർവ്വഹിക്കുന്നത് ആൽഫ്രഡ് കുര്യൻ ജോസഫ് ആണ്.  ‘ഹെലൻറെ’ അണിയറ പ്രവർത്തകർ വീണ്ടും ഒന്നിക്കുന്ന ചിത്രമെന്ന പ്രത്യേകതയും ‘ഫിലിപ്സി’നുണ്ട്. 
 
 മുകേഷ്, ഇന്നസെന്റ്, നോബിൾ ബാബു തോമസ്, നവനി ദേവാനന്ദ്, ക്വിൻ വിബിൻ, ശ്രീധന്യ, അജിത് കോശി, അൻഷാ മോഹൻ, ചാർലി, സച്ചിൻ നാച്ചി  എന്നിവരാണ് ചിത്രത്തിലെ പ്രധാന അഭിനേതാക്കൾ. മാത്തുക്കുട്ടി സേവ്യറും ആൽഫ്രഡും ചേർന്നാണ് ചിത്രത്തിന്റെ രചന നിർവഹിച്ചിരിക്കുന്നത്. അന്തരിച്ച നടൻ ഇന്നസന്റിന്റെ അവസാന ചിത്രമാണിത്.  മുകേഷിന്റെ കരിയറിലെ നൂറാമത്തെ ചിത്രം എന്ന സവിശേഷതയും ഫിലിപ്പിനുണ്ട്. 

മൂന്നു മക്കളുമൊത്ത് ബെംഗളൂരിൽ സ്ഥിരതാമസമാക്കിയ ‘ഫിലിപ്പ്’ എന്ന കഥാപാത്രത്തെയാണ് മുകേഷ്  ചിത്രത്തിൽ അവതരിപ്പിക്കുന്നത്.  ചിത്രം പ്രദർശനത്തിനെത്തിക്കുന്നത് ഫന്റാസ്റ്റിക് ഫിലിംസാണ്. സംഗീതം ഹിഷാം അബ്ദുൾ വഹാബ്, ഛായാഗ്രഹണം ജെയ്സൺ ജേക്കബ് ജോൺ, എഡിറ്റിങ് നിധിൻ രാജ് അരോൾ. 

Read More Entertainment News Here

• 70-ാം വയസ്സിലും എത്ര ആക്റ്റീവാണെന്നു കണ്ടോ, എന്റെ അമ്മ സൂപ്പറാ: ഹൃത്വിക് റോഷൻ
• 50 രൂപ പ്രതിഫലത്തിൽ നിന്നും തുടങ്ങി, ഇന്ന് 770 ദശലക്ഷം ഡോളർ ആസ്തി; ഇത് ഷാരൂഖ് മാജിക്
• ബംഗ്ലാവുകൾ, ആഡംബര കാറുകൾ, പ്രൈവറ്റ് ജെറ്റ്, 138 കോടിയുടെ ആസ്തി; നയൻതാരയുടെ ലക്ഷ്വറി ജീവിതം
• രജനികാന്തും വിജയുമൊന്നുമല്ല; തെന്നിന്ത്യയിലെ ഏറ്റവും ധനികനായ നടന്‍ ഇതാണ്