കഴിഞ്ഞ 4 വർഷം എന്നോടൊപ്പം നിന്ന എല്ലാവർക്കും നന്ദി; ശ്രദ്ധേയമായി പേളിയുടെ കുറിപ്പ്

മഴവിൽ മനോരമയിലെ 'ഡി ഫോർ ഡാൻസ്' റിയാലിറ്റി ഷോയിലെ അവതാരകയായെത്തിയാണ് പേളി പ്രേക്ഷക മനസ്സിലിടം നേടിയത്. പിന്നീടങ്ങോട് നടിയായും അവതാരകയായും വ്ളോഗറായും മോട്ടിവേഷണൽ സ്പീക്കറായുമൊക്കെ പേളി തന്റേതായൊരു ഇടം കണ്ടെത്തുകയായിരുന്നു.

കരിയറിൽ മാത്രമല്ല, ജീവിതത്തിലും വിജയിച്ചൊരാളാണ് പേളി മാണി എന്നു പറയാനാവും.

Also Read: ഗർഭിണിയായ വീണയ്ക്ക് സർപ്രൈസ് സമ്മാനവുമായി പേളി മാണി; വീഡിയോ

'ബിഗ് ബോസ്' മലയാളത്തിന്റെ ആദ്യ സീസണിലൂടെ പരിചയപ്പെട്ട നടൻ ശ്രീനിഷാണ് പേളിയുടെ ഭർത്താവ്. നില,  നിതാര എന്നിങ്ങനെ രണ്ടു പെൺമക്കളാണ് ഈ ദമ്പതികൾക്കുള്ളത്. അമ്മ, ഭാര്യ എന്നീ നിലകളിലെല്ലാം താനെത്രത്തോളം സന്തോഷവതിയാണെന്ന് പലപ്പോഴും സമൂഹമാധ്യമങ്ങളിലൂടെ പേളി പങ്കുവച്ചിട്ടുണ്ട്. 

ഇപ്പോഴിതാ സോഷ്യൽ മീഡിയയിൽ പേളി പോസ്റ്റ് ചെയ്ത വൈകാരികമായ ഒരു കുറിപ്പാണ് ഏറെ ശ്രദ്ധേയമാകുന്നത്. 

Also Read: നിറ്റാരയുടെ ഫോട്ടോ കാണിച്ച് പറ്റിക്കുന്നോ?; ശ്രദ്ധേയമായി പേളിയുടെ കുട്ടിക്കാല ചിത്രം

"കഴിഞ്ഞ 4 വർഷമായി എന്നോടൊപ്പം നിന്ന എല്ലാവരെയും ഞാൻ എപ്പോഴും ഓർക്കും, അവരോട്  അഗാധമായ നന്ദി രേഖപ്പെടുത്തുന്നു. ഗർഭധാരണവും പ്രസവാനന്തര ദിനങ്ങളും ഒരു സ്ത്രീയുടെ ജീവിതത്തിൽ ശാരീരികമായും വൈകാരികമായും ഏറ്റവും അധികം തളർത്തുന്ന സമയങ്ങളാണ്. പ്രസവാനന്തരമെന്നത് വെറുമൊരു ഘട്ടമല്ലെന്ന് പലർക്കും മനസ്സിലാകുന്നില്ല- ഒരു സ്ത്രീക്ക് സ്വയം വീണ്ടും കണ്ടെത്താനും, സുഖം പ്രാപിക്കാനും, പൂർണത അനുഭവിക്കാനും ഒന്നോ രണ്ടോ വർഷമെടുത്തേക്കാം.

View this post on Instagram

A post shared by Pearle Maaney (@pearlemaany)

Also Read: സുരേഷ് ഗോപി എന്നത് വെറുമൊരു പേരല്ല, ഒരു വികാരമായിരുന്നു: പേളി മാണി

ദുർബലമായിരുന്ന ആ സമയത്ത് ആരെങ്കിലും എന്നെ മനസിലാക്കിയിട്ടുണ്ടെങ്കിൽ, എന്നെ വിശ്വസിക്കൂ, ജീവിതകാലം മുഴുവൻ ഞാൻ അവരോടൊപ്പം ഉണ്ടാകും.  എനിക്ക് വേണ്ടി അവർ ചെയ്തതിൻ്റെ വ്യാപ്തി  അവർക്കു പോലും മനസിലായിട്ടുണ്ടാകില്ല. കാരണം ഒരാൾ എൻ്റേതാണെന്ന് ഞാൻ തീരുമാനിച്ചു കഴിഞ്ഞാൽ അത് എന്നന്നേക്കും അങ്ങനെയാണ്. സ്നേഹപൂർവം, പേളി." എന്നാണ് പേളി കുറിച്ചിരിക്കുന്നത്. 

ഒട്ടേറെ താരങ്ങളും ആരാധകരും പേളിക്ക് സ്നേഹവും സന്തോഷവും ആശംസിച്ചു കൊണ്ട് ഈ കുറിപ്പിന് കമൻ്റും ചെയ്തിട്ടുണ്ട്.

Read More: എൻ്റെ ജീവിതത്തിൽ കിട്ടിയ ഭാഗ്യം; 6 വർഷത്തെ സൗഹൃദം ആഘോഷമാക്കി ഈ മരുമകളും അമ്മായിയമ്മയും