ആദ്യ ഓണം മുത്തശ്ശിയോടൊപ്പം ആഘോഷിച്ച് നിലകുട്ടി; വീഡിയോ

സോഷ്യൽ മീഡിയയുടെ ഇഷ്ടതാരങ്ങളാണ് പേളിയും ശ്രീനിഷും. ഇരുവരെയും ആരാധകർക്ക് എത്രമാത്രം ഇഷ്ടമാണോ അത്രയും തന്നെ പ്രിയമാണ് മകൾ നിലയെയും. അതുകൊണ്ട് തന്നെ നിലയുടെ വിശേഷങ്ങൾ ഇരുവരും സോഷ്യൽ മീഡിയയിൽ പങ്കുവക്കാറുണ്ട്.

ഇപ്പോഴിതാ നിലയുടെ ആദ്യത്തെ ഓണാഘോഷത്തിന്റെ വീഡിയോയാണ് പേളി പങ്കുവെക്കുന്നത്. പേളിയുടെ യൂട്യൂബ് ചാനലിലൂടെയാണ് വീഡിയോ പങ്കു വച്ചിരിക്കുന്നത്. പാലക്കാടുള്ള ശ്രീനിഷിന്റെ മുത്തശ്ശിയെ കാണാൻ പോകുന്നതും അവിടെ ഓണം ആഘോഷിക്കുന്നതും അവരോടൊപ്പം സമയം ചിലവഴിക്കുന്നതുമാണ് വീഡിയോയിൽ.

കഴിഞ്ഞ ദിവസം നിലകുട്ടിയുടെ വീട്ടിലെ ഓണാഘോഷത്തിന്റെ ചിത്രങ്ങളും വീഡിയോയും പേളിയും ശ്രീനിഷും പങ്കുവച്ചിരുന്നു.

Also read: പതിനാറിന്റെ നിറവ്; മകന് പിറന്നാള്‍ ആശംസിച്ച് മാധവന്‍

ബിഗ് ബോസ് മലയാളം എന്ന റിയാലിറ്റി ഷോയിലൂടെ പരിചയപ്പെടുകയും പ്രണയത്തിലാവുകയും ചെയ്ത താരങ്ങളാണ് പേളി മാണിയും ശ്രീനിഷ് അരവിന്ദും. 2019 മേയ് അഞ്ചിനായിരുന്നു ഇരുവരുടെയും വിവാഹം. പേളിയ്ക്കും ശ്രീനിഷിനും സോഷ്യൽ മീഡിയയിൽ ഏറെ ആരാധകരുണ്ട്, പേളിഷ് എന്നാണ് ആരാധകർ ഇരുവരെയും വിളിക്കുന്നത്.

മാർച്ച് 20നായിരുന്നു നിലയുടെ ജനനം. മകളുടെ ബർത്ത് സ്റ്റോറി പേളി ആരാധകർക്കായി ഷെയർ ചെയ്തിരുന്നു. മകളുടെ വിശേഷങ്ങളും വീഡിയോകളുമെല്ലാം ഇരുവരും ഇടയ്ക്കിടെ സോഷ്യൽ മീഡിയയിൽ പങ്കുവയ്ക്കാറുണ്ട്.