ഞാൻ പണ്ട് കുറെ കരഞ്ഞു കഴിഞ്ഞതാ; വേദിയിലുള്ളവരുടെ കണ്ണു നിറച്ച് ചിത്ര

"കാര്‍മുകില്‍വര്‍ണ്ണന്റെ ചുണ്ടില്‍ ചേരുമോടക്കുഴലിന്റെയുള്ളില്‍..." എന്നു കെ എസ് ചിത്ര പാടുമ്പോൾ കേൾവിക്കാരെല്ലാം ഒരു നിമിഷം നിശബ്ദരായി പോവും. മനസ്സിനെ കൊളുത്തി വലിക്കുന്ന എന്തോ ഒന്ന് ആ പാട്ടിൽ ഒളിഞ്ഞിരിപ്പുണ്ട്. ഹരികാംബോജി രാഗത്തിലുള്ള ആ ഗാനം ചിത്രയുടെ സംഗീതജീവിതത്തിലെ പൊൻതൂവലുകളിൽ ഒന്നാണ്. പാട്ടിന്റെ അവസാനത്തിൽ എല്ലാം മറന്നുള്ള ആ കൃഷ്ണാവിളി ആരുടെയും ഹൃദയം തൊടും. 

നന്ദനത്തിലെ ഈ ക്ലാസിക് ഗാനം പിറന്നിട്ട് 21 വർഷമാവുന്നു. ഇന്നും ഓരോ വേദികളിലും ചിത്രയോട് ആരാധകർ അഭ്യർത്ഥിച്ചുകൊണ്ടേയിരിക്കുന്നു, ഒന്ന് 'കാർമുകിൽവർണ്ണൻ' പാടാമോ. കണ്ണടച്ച് ആ ശബ്ദത്തിലെ ആർദ്രതയും ഭക്തിയുമെല്ലാം ആസ്വദിക്കുന്നു. 

ഏഷ്യാനെറ്റിന്‍റെ സ്റ്റാര്‍ സിംഗര്‍ സീസണ്‍ 9 വേദിയിൽ 'കാർമുകിൽവർണ്ണൻ'  പാടുന്ന ചിത്രയുടെ വീഡിയോ ആണ് ഇപ്പോൾ സമൂഹമാധ്യമങ്ങളുടെ ശ്രദ്ധ നേടുന്നത്. ഉള്ളുതൊടുന്ന ആ ഗാനം വേദിയിലുള്ള ഏവരെയും ഇമോഷണലാക്കി "നമ്മളെയെല്ലാം കരയിപ്പിച്ചിട്ട് ചേച്ചി മാത്രം ഇങ്ങനെ ചിരിച്ചുനിൽക്കുകയാണ്," എന്നായിരുന്നു അവതാരകയുടെ കമന്റ്. "ചേച്ചി പണ്ട് കുറേ കരഞ്ഞുകഴിഞ്ഞതാ...." എന്നായിരുന്നു ചിത്രയുടെ മറുപടി. 

View this post on Instagram

A post shared by kschithra (@kschithra_nightingale________)

വീഡിയോ ഇതിനകം തന്നെ വൈറലായി കഴിഞ്ഞു. "ചേച്ചി ആ അവസാനം പറഞ്ഞത് സഹിക്കണില്ല",  "ഇനി ഒരിക്കലും കരയാതിരിക്കട്ടെ" എന്നിങ്ങനെ പോവുന്നു വീഡിയോയ്ക്ക് താഴെയുള്ള കമന്റുകൾ. 

Check out More Entertainment Stories Here 

• അയ്യനു മുന്നിൽ ഹരിവരാസനം പാടി യേശുദാസ്; വീഡിയോ
• ഈ ബിജിഎം കേട്ടാൽ നാഗവല്ലി എങ്ങനെ വരാതിരിക്കും!
• ജൂനിയർ ഗായികയ്ക്ക് തെറ്റി, സുന്ദരമായി ഇടപെട്ട് ചിത്ര; വീഡിയോ
• മൗനത്തിന്റെ ശബ്ദം, മോഹത്തിന്റെയും