കൈയ്യിലെന്താ കാണട്ടെ, കുട്ടിഫാനിനോട് കുശലം പറഞ്ഞ് മമ്മൂക്ക; ചിത്രങ്ങള്‍

ഏറെ വാത്സല്യത്തോടെ ഒരു കുഞ്ഞു പെണ്‍കുട്ടിയോട് സംസാരിക്കുന്ന മമ്മൂട്ടിയുടെ ചിത്രങ്ങള്‍ സോഷ്യല്‍ മീഡിയയില്‍ വൈറലാവുകയാണ്. ഒരു വിമാനത്താവളം എന്ന് തോന്നിപ്പിക്കുന്ന സ്ഥലത്താണ് മമ്മൂട്ടി കുഞ്ഞിനോട് സംസാരിക്കുന്നത്. മമ്മൂട്ടിയോട് കുട്ടി എന്തോ സംസാരിക്കുന്നതും തുടര്‍ന്ന് മമ്മൂട്ടി അവളുടെ കൈയ്യില്‍ പിടിച്ചു നോക്കുന്നതുമായ ചിത്രങ്ങളാണുള്ളത്. മമ്മൂട്ടി കമ്പനിയുടെ സോഷ്യല്‍ മീഡിയ മാനേജര്‍ വിഷ്ണു സുഗതനാണ് ഫേസ്ബുക്കില്‍ ഈ ചിത്രങ്ങള്‍ പങ്കു വച്ചിട്ടുള്ളത്.

വൈശാഖ് സംവിധാനം ചെയ്യുന്ന പുതിയ ചിത്രത്തിലാണ് മമ്മൂട്ടി അടുത്തതായി അഭിനയിക്കുന്നത്. 'ടര്‍ബോ' എന്നാണ് ചിത്രത്തിന്‍റെ പേര്. 'പോക്കിരി രാജാ,' 'മധുര രാജാ' എന്നീ ചിത്രങ്ങള്‍ക്ക് ശേഷം മമ്മൂട്ടിയുടെ വൈശാഖും ഒന്നിക്കുന്ന 'ടര്‍ബോ'യുടെ കഥ മിഥുന്‍ മാനുവല്‍ തോമസാണ്. മമ്മൂട്ടി കമ്പനിയുടെ ബാനറിൽ നിർമിക്കുന്ന അഞ്ചാമത്തെ സിനിമയാണ് ഇത്.