DNA OTT: ഡിഎൻഎ ഒടിടിയിലേക്ക്; ചിത്രം എവിടെ കാണാം?

DNA OTT Release Date & Platform: നിമിഷ സജയനും അഥർവയും പ്രധാന കഥാപാത്രങ്ങളായെത്തിയ ആക്ഷൻ ത്രില്ലർ ചിത്രമായിരുന്നു കഴിഞ്ഞ മാസം തിയേറ്ററുകലിലെത്തിയ 'ഡിഎൻഎ.' നെൽസൺ വെങ്കടേശൻ സംവിധാനം ചെയ്ത ചിത്രം മികച്ച പ്രതികരണമാണ് തിയേറ്ററുകളിൽ നേടിയത്. ചിത്രം ഇപ്പോൾ ഒടിടിയിൽ റിലീസിനൊരുങ്ങുകയാണ്.

നിമിഷയ്ക്കും അഥർവയ്ക്കുമൊപ്പം മുഹമ്മദ് സീഷൻ അയ്യൂബ് , ബാലാജി ശക്തിവേൽ, രമേഷ് തിലക്, വിജി ചന്ദ്രശേഖർ, ചേതൻ, ഋത്വിക, സുബ്രഹ്മണ്യം ശിവ, കരുണാകരൻ എന്നിവരും ചിത്രത്തിൽ സുപ്രധാന വേഷങ്ങളിൽ എത്തുന്നു. സംവിധായകൻ നെൽസൺ വെങ്കിടേശനും അതിഷ വിനോയും ചേർന്നാണ് ചിത്രത്തിന്റെ രചന.

Also Read: സംശയം ഒടിടിയിലേക്ക്; ചിത്രം എവിടെ കാണാം?

ഒളിമ്പിയ മൂവീസിന്റെ ബാനറിൽ ജയന്തി അംബേത്കുമാറും എസ്. അംബേത്കുമാറും ചേർന്നാണ് ചിത്രത്തിന്റെ നിർമ്മാണം. സത്യപ്രകാശ്, ശ്രീകാന്ത് ഹരിഹരൻ, പ്രവീൺ സായ്വി, സഹി ശിവ, അനൽ ആകാശ് എന്നിവർ ചേർന്നാണ് ഡിഎൻഎ-ക്കായി സംഗീതം ഒരുക്കിയിരിക്കുന്നത്. ജിബ്രാൻ വൈബോധാണ് പശ്ചാത്തലസംഗീതം കൈകാര്യം ചെയ്തിരിക്കുന്നത്. ഛായാഗ്രഹണം നിർവ്വഹിച്ചത് പാർത്ഥിബനാണ്. 

Also Read: ജൂലൈയിൽ ഒടിടിയിലെത്തിയ 16 ചിത്രങ്ങൾ ഇവയാണ്

DNA OTT: ഡിഎൻഎ ഒടിടി

ജിയോ ഹോട്ട്സ്റ്റാറിലൂടെയാണ് ഡിഎൻഎ ഒടിടിയിലെത്തുന്നത്. ജൂലൈ 19 മുതൽ ചിത്രം സ്ട്രീമിങ് ആരംഭിക്കും. തമിഴിനു പുറമേ മലയാളം, ഹിന്ദി, തെലുങ്ക്, കന്നഡ ഭാഷകളിലും ചിത്രം കാണാനാകും.

Read More: ജൂലൈയിൽ ഒടിടിയിലെത്തിയ 16 ചിത്രങ്ങൾ ഇവയാണ്