'വീട്ടിലൊരു പുതിയ അതിഥി;' ദിയയ്ക്ക് കുഞ്ഞു ജനിച്ച സന്തോഷം പങ്കുവച്ച് കൃഷ്ണകുമാർ

ആദ്യ കണ്മണിയെ വരവേറ്റ് നടൻ കൃഷ്ണകുമാറിന്റെ മകളും ഇൻഫ്ളുവൻസറും സോഷ്യൽ മീഡിയ താരവുമായ ദിയ കൃഷ്ണ. മകൾക്ക് ആൺ കുഞ്ഞ് ജനിച്ച സന്തോഷം കൃഷ്ണകുമാറാണ് സോഷ്യൽ മീഡിയിയലൂടെ പങ്കുവച്ചത്.

അമ്മയും കുഞ്ഞും സുഖമായിരിക്കുന്നുവെന്നും എല്ലാവരുടെയും പ്രാർത്ഥനകൾക്ക് നന്ദി അറിയിക്കുന്നതായും കൃഷ്ണകുമാർ ഇൻസ്റ്റഗ്രാമിൽ കുറിച്ചു. "വീട്ടിലൊരു പുതിയ അതിഥി എത്തിയിരിക്കുന്നു. മകൾ ദിയയ്ക്ക് ഒരാൺകുഞ്ഞ്. അമ്മയും കുഞ്ഞും സുഖമായിരിക്കുന്നു. എല്ലാവരുടെയും പ്രാർത്ഥനകൾക്കും അനുഗ്രഹങ്ങൾക്കും ഹൃദയംഗമമായ നന്ദി," കുറിപ്പ് ഇങ്ങനെ.

View this post on Instagram

A post shared by Krishna Kumar (@krishnakumar_actor)

Also Read: ബേബി ഷവർ കളറാക്കി ദിയയും അശ്വിനും; ചിത്രങ്ങളുമായി അഹാന

കഴിഞ്ഞ സെപ്റ്റംബറിലായിരുന്നു കൃഷ്ണകുമാറിന്റെ രണ്ടാമത്തെ മകളായ ദിയയും സുഹൃത്ത് അശ്വിനും തമ്മിലുള്ള വിവാഹം. പ്രണയവിവാഹമായിരുന്നു ദിയയുടേത്.  ഇരുവരും നേരത്തെ സുഹൃത്തുക്കളായിരുന്നു. സോഫ്റ്റ് വെയർ എഞ്ചിനീയറാണ് അശ്വിൻ ഗണേഷ്. പ്രിയപ്പെട്ടവർ ഓസി എന്നു വിളിക്കുന്ന ദിയ ഒരു ബിസിനസുകാരി കൂടിയാണ്. 

View this post on Instagram

A post shared by Diya Krishna (@_diyakrishna_)

Also Read: വളക്കാപ്പ് ആഘോഷമാക്കി ദിയ കൃഷ്ണ; വീഡിയോ

കൃഷ്ണകുമാറിന്റെയും സിന്ധുവിന്റെയും മകളായ അഹാന, ദിയ, ഇഷാനി, ഹൻസിക എന്നിവരെല്ലാം സോഷ്യൽ മീഡിയയ്ക്ക് ഏറെ സുപരിചിതരാണ്. യൂട്യൂബ് വ്ളോഗുകളും ഇൻസ്റ്റഗ്രാമുമൊക്കെയായി നാലു പേരും സമൂഹമാധ്യമങ്ങളിൽ സജീവമാണ്. 

Read More: എന്റെ ആദ്യത്തെ സഹനടൻ; ഒടുവിൽ ആ രഹസ്യം വെളിപ്പെടുത്തി അഹാന