വീട്ടിലേക്ക് പുതിയ അതിഥി; അമ്മയാവാൻ പോവുന്ന സന്തോഷം പങ്കിട്ട് ദിയ കൃഷ്ണ

നടൻ കൃഷ്ണകുമാറിന്റെയും സിന്ധുവിന്റെയും മകൾ ദിയ കൃഷ്ണ സോഷ്യൽ മീഡിയയ്ക്ക് ഏറെ സുപരിചിതയാണ്. കഴിഞ്ഞ സെപ്റ്റംബറിലായിരുന്നു ദിയയും സുഹൃത്ത് അശ്വിനും തമ്മിലുള്ള വിവാഹം. ഇപ്പോഴിതാ, താൻ അമ്മയാകാൻ പോവുന്നു എന്ന സന്തോഷവാർത്ത ആരാധകരുമായി പങ്കിടുകയാണ് ദിയ. ഇൻസ്റ്റഗ്രാമിലൂടെയാണ് പ്രെഗ്നൻസി വാർത്ത ദിയ സ്ഥിരീകരിച്ചത്.

"ഞങ്ങളുടെ കൺമണിയെ സ്വാഗതം ചെയ്യാൻ ഒരുങ്ങിയിരിക്കുന്നു. ഇതിനകം ഇക്കാര്യം ഊഹിച്ചവരോടാണ്, അതെ നിങ്ങൾ പറഞ്ഞത് ശരിയാണ്. മൂന്നാം മാസത്തെ സ്കാൻ വരെ ഇത് രഹസ്യമായി സൂക്ഷിക്കാൻ ഞാൻ ആഗ്രഹിച്ചു. നിങ്ങളുടെ എല്ലാവരുടെയും  അനുഗ്രഹങ്ങൾ ഉണ്ടാവണം," എന്നാണ് ദിയ കുറിച്ചത്.  നിരവധി പേരാണ് പോസ്റ്റിനു താഴെ ദിയക്കും അശ്വിനും ആശംസകൾ നേർന്നിരിക്കുന്നത്. മുത്തച്ഛനാവാൻ പോവുന്ന കൃഷ്ണകുമാറിനും ആശംസകൾ നേരുന്നുണ്ട് സോഷ്യൽ മീഡിയ. 

View this post on Instagram

A post shared by Diya Krishna (@_diyakrishna_)

അശ്വിനൊപ്പമുള്ള ഒരു റൊമാന്റിക് റീലും ദിയ ഷെയർ ചെയ്തിട്ടുണ്ട്.

പ്രണയവിവാഹമായിരുന്നു ദിയയുടേത്.  ഇരുവരും നേരത്തെ സുഹൃത്തുക്കളായിരുന്നു. സോഫ്റ്റ് വെയർ എഞ്ചിനീയറാണ് അശ്വിൻ ഗണേഷ്. പ്രിയപ്പെട്ടവർ ഓസി എന്നു വിളിക്കുന്ന ദിയ ഒരു ബിസിനസുകാരി കൂടിയാണ്. 

Read More

• മലയാളിയുടെ ജീവരാഗമായ ജയേട്ടൻ
• ഭാവഗായകന് പ്രണാമം; പി ജയചന്ദ്രന്റെ സംസ്‌കാരം ശനിയാഴ്ച
• ഭാവഗായകന് വിട; പി ജയചന്ദ്രൻ അന്തരിച്ചു
• ഓർമകളിലേക്കുള്ള തോണിയാണ് എനിക്ക് ജയേട്ടന്റെ ഓരോ പാട്ടും: മഞ്ജു വാര്യർ
• പോരാട്ടത്തിനു ഒപ്പം നിന്നവർക്കു നന്ദി: ഹണി റോസ്