Dheeran OTT: ധീരൻ ഇപ്പോൾ മനോരമ മാക്സിലും

Dheeran OTT Release Date, Platform: ജഗദീഷ്, സുധീഷ്, മനോജ് കെ. ജയൻ, അശോകൻ, രാജേഷ് മാധവൻ എന്നിവരെ പ്രധാന കഥാപാത്രങ്ങളാക്കി ദേവദത്ത് ഷാജി സംവിധാനം ചെയ്ത് അടുത്തിടെ തിയേറ്ററുകളിലെത്തിയ  ചിത്രമാണ്  'ധീരൻ'. കോമഡി, ആക്ഷൻ, ഡ്രാമ എന്നിവയ്ക്ക് പ്രാധാന്യം നൽകി ഒരുക്കിയ ചിത്രം സണ്‍ നെക്സ്റ്റിലൂടെയാണ് ആദ്യം ഒടിടിയിൽ എത്തിയത്. ഇപ്പോഴിതാ, മനോരമ മാക്സിലും ചിത്രം ലഭ്യമാണ്. 

Also Read: Onam OTT Releases: ഓണം കളറാക്കാൻ ഇന്ന് ഒടിടിയിൽ എത്തിയ 4 മലയാള ചിത്രങ്ങൾ

'ജാൻ.എ.മൻ', 'ജയ ജയ ജയ ജയ ഹേ', 'ഫാലിമി' എന്നീ ചിത്രങ്ങൾക്കു ശേഷം ചീയേഴ്സ് എന്റർടൈൻമെന്റ്സിന്റെ ബാനറിൽ ലക്ഷ്മി വാര്യരും ഗണേഷ് മേനോനും ചേർന്നാണ് ധീരൻ നിർമ്മിച്ചിരിക്കുന്നത്. അമൽ നീരദ് സംവിധാനം ചെയ്ത ഭീഷ്മപർവം എന്ന ചിത്രത്തിന്റെ രചയിതാവായി ശ്രദ്ധനേടിയ  ദേവദത്ത് ആദ്യമായി സംവിധാനം ചെയ്ത ചിത്രമാണിത്. 

Also Read:  malayalam OTT Release: മനോരമ മാക്സിൽ പുത്തൻ മലയാളചിത്രങ്ങളുടെ പൂക്കാലം; സെപ്റ്റംബർ റിലീസുകളിതാ

Also Read: തിരുവോണനാളിൽ ഒത്തുകൂടി ആ ചങ്ങാതികൂട്ടം; ചിത്രങ്ങളുമായി സുഹാസിനി

രാജേഷ് മാധവൻ നായകനാകുന്ന ചിത്രത്തിൽ വിനീത്, അഭിരാം രാധാകൃഷ്ണൻ, സിദ്ധാർഥ് ഭരതൻ, അരുൺ ചെറുകാവിൽ, ശ്രീകൃഷ്ണ ദയാൽ, ഇന്ദുമതി മണികണ്ഠൻ, വിജയ സദൻ, ഗീതി സംഗീത, അമ്പിളി എന്നിവരും സുപ്രധാന വേഷങ്ങളിലെത്തുന്നു. അശ്വതി മനോഹരനാണ് ചിത്രത്തിലെ നായിക. സംവിധായകനും തിരക്കഥാകൃത്തുമായിരുന്ന ലോഹിതദാസിന്റെ മകൻ ഹരികൃഷ്ണൻ ലോഹിതദാസ് ആണ് ധീരന്‍റെ ഛായാഗ്രഹണം. സംഗീതം മുജീബ് മജീദ്, എഡിറ്റിംഗ് ഫിൻ ജോർജ്ജ് വർഗീസ് എന്നിവരും നിർവ്വഹിക്കുന്നു. മനോരമ മാക്സിൽ ഇപ്പോൾ ധീരൻ കാണാം. 

Also Read: ഓണമല്ലേ, തിരുവോണമല്ലേ? കളറാക്കാതെ എങ്ങനെ; ചിത്രങ്ങളുമായി താരങ്ങൾ