ജൂണിലെ നിലാമഴയിൽ... പ്രണയനിമിഷങ്ങൾ പങ്കുവച്ച് ഭാവനയും നവീനും

ജൂൺ ആയി, മഴക്കാലമായി. കഴിഞ്ഞ രണ്ടു വർഷമായി മഴ എന്നാൽ മലയാളികൾക്ക് അൽപ്പം പേടിയുള്ള​ ഓർമയാണെങ്കിലും, കാലങ്ങളായി മലയാളികളുടെ റൊമാന്റിക് സ്വപ്നങ്ങൾക്ക് കുളിരു പകർന്ന അതിഥിയാണ് മഴക്കാലം. സോഷ്യൽ മീഡിയയിൽ മഴയെ കുറിച്ചുള്ള ഓർമകളും ചിത്രങ്ങളുമെല്ലാം ആളുകൾ പങ്കുവച്ചു തുടങ്ങി. നടി ഭാവനയ്ക്കും ജൂൺ പ്രിയപ്പെട്ട മാസമാണ്. ഭർത്താവ് നവീനൊപ്പമുള്ള മനോഹരമായ ചിത്രങ്ങൾ​പങ്കുവച്ചുകൊണ്ടാണ് ഭാവന ജൂണിനെ സ്വാഗതം ചെയ്യുന്നത്.

Read More: മികച്ച ബന്ധങ്ങൾ ആദ്യം ആരംഭിക്കുന്നത് സൗഹൃദത്തിൽ നിന്നാണ്; പ്രണയനാളുകൾ ഓർത്ത് ഭാവന

View this post on Instagram

Hello JUNE #OurFavMonth #MineForever #LoveOfMyLife

A post shared by Bhavana Menon Naveen (@bhavzmenon) on May 31, 2020 at 8:12pm PDT

ഇടയ്ക്കിടെ ഭാവന നവീനുമൊത്തുള്ള ചിത്രങ്ങൾ ഇൻസ്റ്റഗ്രാമിൽ പോസ്റ്റ് ചെയ്യാറുണ്ട്. പ്രണയദിനത്തിൽ പോസ്റ്റ് ചെയ്ത ഒരു ചിത്രത്തിൽ​ നവീനെ കുറിച്ച് ഭാവന പറഞ്ഞ വാക്കുകൾ ഏറെ ഹൃദയസ്പർശിയായിരുന്നു.

“2011ൽ ഞാൻ ആദ്യമായി നിങ്ങളെ കാണുമ്പോൾ ഒരിക്കലും എനിക്കറിയില്ലായിരുന്നു, നിങ്ങളാണ് ആ ആൾ എന്ന്. ഒരു നിർമ്മാതാവും അഭിനേതാവും തമ്മിലുള്ള വളരെ പ്രൊഫഷണലായ ബന്ധത്തിൽ നിന്നും വേഗം നമ്മൾ യഥാർത്ഥ സുഹൃത്തുക്കളായി മാറി. അവർ പറയുന്നതുപോലെ, മികച്ച ബന്ധങ്ങൾ ആദ്യം ആരംഭിക്കുന്നത് സൗഹൃദങ്ങളായിട്ടാണ്. നമ്മൾ പ്രണയത്തിലായിട്ട് 9 വർഷങ്ങളാവുന്നു. ഒരുപാട് പ്രതിസന്ധികളിലൂടെ നമ്മൾ കടന്നുപോയി, വേർപ്പെട്ടുപോവേണ്ട അവസ്ഥകൾ. പക്ഷേ കൂടുതൽ കരുത്തരായി നമ്മൾ പുറത്തുവന്നു. എല്ലാ പ്രതിബന്ധങ്ങൾക്കുമെതിരെ നമ്മൾ പോരാടും, എല്ലാ പ്രതിബന്ധങ്ങൾക്കും എതിരായി നമ്മൾ തുടരും. നിങ്ങളായിരിക്കുന്നതിന് നന്ദി, ഞാൻ നിങ്ങളെ അനന്തമായി സ്നേഹിക്കുന്നു,” ഇൻസ്റ്റഗ്രാമിൽ ഭാവന കുറിച്ചതിങ്ങനെ. #MineForever #ComeWhatMay #EverydayIsValentinesDay തുടങ്ങിയ ഹാഷ്‌ടാഗുകളോടെ നവീനൊപ്പമുള്ള ചിത്രവും ഭാവന പങ്കുവച്ചിരുന്നു

View this post on Instagram

When I met you for the first time in 2011,I never knew you are THE ONE!!From a very professional producer-actor relationship we both became real good friends in no time.Like they say ‘The best Relationships start off as friendships first’ ! It’s been 9 long yrs since we have fallen in love,We have gone through everything that is meant to tear us apart,But we came out even stronger !! We will fight against all odds, We will stay against all odds !! Thank you for being YOU and I LOVE YOU TO INFINITY & BEYOND !! #MineForever #LoveOfMyLife #ComeWhatMay #EverydayIsValentinesDay #Bhavana #BhavanaMenon #BhavanaNaveen

A post shared by Bhavana Menon Naveen (@bhavzmenon) on Feb 13, 2020 at 5:53pm PST

നീണ്ട അഞ്ചുവർഷത്തെ പ്രണയത്തിനൊടുവിലായിരുന്നു ഭാവനയുടെയും നവീന്റെയും വിവാഹം. 2012ല്‍ ‘റോമിയോ’ എന്ന ചിത്രത്തിന്റെ ഷൂട്ടിങ്ങിനിടെയാണ് ഭാവനയും നവീനും പരിചയത്തിലാവുന്നത്. ‘റോമിയോ’ എന്ന ചിത്രത്തിന്റെ നിര്‍മ്മാതാവായിരുന്നു നവീന്‍. 2018 ജനുവരി 22 ന് തൃശൂര്‍ തിരുവമ്പാടി ക്ഷേത്രനടയില്‍ വച്ചാണ് കന്നട നിര്‍മ്മാതാവും ബിസ്സിനസ്സുകാരനുമായ നവീൻ ഭാവനയെ താലിച്ചാർത്തിയത്. വിവാഹശേഷം ബെംഗളൂരുവിന്റെ മരുമകളായെങ്കിലും സമൂഹ മാധ്യമങ്ങളിലൂടെ ഭാവന തന്റെ വിശേഷങ്ങളും ചിത്രങ്ങളുമെല്ലാം ആരാധകരുമായി പങ്കുവയ്ക്കാറുണ്ട്.