അമ്മയോളം വളർന്ന് ആരാധ്യ, അഭിമാനത്തോടെ കെട്ടിപ്പിടിച്ച് ഐശ്വര്യ; വീഡിയോ

ബോളിവുഡിലെ സ്റ്റാർ കിഡ്സിൽ ഏറെ മാധ്യമ ശ്രദ്ധ നേടുന്ന ഒരാളാണ് അഭിഷേക് ബച്ചൻ - ഐശ്വര്യാ റായ് ദമ്പതികളുടെ മകളായ ആരാധ്യ ബച്ചൻ. അമ്മയ്‌ക്കൊപ്പം ഫാഷൻ വേദികളിൽ സ്ഥിരം സാന്നിധ്യമാണ് ആരാധ്യ.

കഴിഞ്ഞ ദിവസം പാരീസ് ഫാഷൻ വീക്കിൽ പങ്കെടുക്കാൻ പോയ അമ്മയ്‌ക്കൊപ്പം ആരാധ്യയും ഉണ്ടായിരുന്നു. മുംബൈ എയർപോർട്ടിൽ വച്ച് അവരെ ഇരുവരെയും പാപ്പരാസികൾ വളയുന്ന വീഡിയോ സോഷ്യൽ മീഡിയയിൽ വൈറൽ ആവുകയാണ്. ആരാധ്യ പൊക്കം വച്ചല്ലോ എന്ന് കുശലം പറഞ്ഞ ഒരാളോട് 'അതേ ഇപ്പോൾ എന്റെത്രയും ഹൈറ്റുണ്ട് എന്ന് പറയുന്നുണ്ട് ഐശ്വര്യ. ഒപ്പം മകളെ കെട്ടിപ്പിടിക്കുന്നതും കാണാം. തങ്ങളെ പിന്തുടർന്ന് വന്ന പാപ്പരാസികളോട് സൂക്ഷിച്ച് നടക്കാനും ഐശ്വര്യ പറയുന്നുണ്ട്.

പന്ത്രണ്ടു വയസ്സാണ് ആരാധ്യ ബച്ചന്. മുംബൈയിലെ ധീരുഭായ് അംബാനി സ്കൂളിലാണ് കുട്ടി പഠിക്കുന്നത്. വിവാഹത്തിന് ശേഷം വളരെ സെലെക്റ്റിവ് ആയി സിനിമകൾ ചെയ്തു വന്ന ഐശ്വര്യ, ആരാധ്യയുടെ വരവോടെ സിനിമ പാടെ കുറച്ചു. ഏറ്റവും ഒടുവിലായി അവർ എത്തിയത് മണിരത്നം സംവിധാനം ചെയ്ത 'പൊന്നിയിൻ സെൽവൻ' എന്ന ചിത്രത്തിലാണ്. രണ്ടു ഭാഗങ്ങളായുള്ള ചിത്രത്തിൽ നന്ദിനി, ഊമൈ റാണി എന്നീ കഥാപാത്രങ്ങളാണ് ഐശ്വര്യ ചെയ്തത്. ചിത്രം ബോക്സ്ഓഫീസിൽ വൻ വിജയം നേടിയിരുന്നു.