രാഹുല്‍ ഗാന്ധിക്ക് മറുപടി പറയാന്‍ മാത്രം സിപിഎം ഇല്ല: പരിഹാസവുമായി ചെന്നിത്തല

തി​രു​വ​ന​ന്ത​പു​രം: സിപിഎമ്മിനെതിരെ വിമര്‍ശനം ഉന്നയിക്കാതിരുന്നത് ​കോൺഗ്രസ്​ അധ്യക്ഷൻ രാഹുൽ ഗാന്ധിയുടെ മാന്യതയാണ്​ കാണിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. കോ​ൺ​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​ക്ക് മ​റു​പ​ടി പ​റ‍​യാ​ൻ മാ​ത്ര​മു​ള്ള​തി​ല്ല സി​പി​എ​മ്മെ​ന്നും അ​തി​ന് കേ​ര​ള​ത്തി​ലെ കോ​ൺ​ഗ്ര​സ് നേ​താ​ക്ക​ൾ ധാ​രാ​ള​മാ​ണെ​ന്നും അദ്ദേഹം പരിഹസിച്ചു.

Read: വയനാടിന്റെ മനംകവർന്ന് രാഹുൽ ഗാന്ധി

രാ​ഹു​ലി​ന്‍റെ വ​യ​നാ​ട്ടി​ലെ സ്ഥാ​നാ​ർ​ഥി​ത്വ​ത്തെ വി​മ​ർ​ശി​ച്ച് സി​പി​എം നേ​താ​ക്ക​ൾ നേ​ര​ത്തെ രം​ഗ​ത്ത​ത്തി​യി​രു​ന്നു. എ​ന്നാ​ൽ ആ ​വി​മ​ർ​ശ​ന​ങ്ങ​ളെ​യെ​ല്ലാം താ​ൻ സ്വീ​ക​രി​ക്കു​ന്നു​വെ​ന്നും മ​റി​ച്ച് ഒ​രു വാ​ക്കു​പോ​ലും സി​പി​എ​മ്മി​നെ​തി​രെ ത​ന്‍റെ ഭാ​ഗ​ത്തു​നി​ന്ന് ഉ​ണ്ടാ​കി​ല്ലെ​ന്നും ക​ഴി​ഞ്ഞ ​ദി​വ​സം വ​യ​നാ​ട്ടി​ലെ​ത്തി​യ രാ​ഹു​ൽ ഗാ​ന്ധി വ്യ​ക്ത​മാ​ക്കിയി​രു​ന്നു.

'രാഹുലിന്​ ഒന്നും പറയാനില്ലെങ്കിലും തങ്ങൾക്ക്​ ചിലത്​ പറയാനുണ്ടെന്നാണ്​ മുഖ്യമന്ത്രി പിണറായി വിജയൻ പറഞ്ഞത്​. സിപിഎമ്മിന്​ പറയാനുള്ളതിന്​ രാഹുൽ ഗാന്ധിയല്ല, തങ്ങൾ മറുപടി നൽകുമെന്നും ചെന്നിത്തല പറഞ്ഞു. സിപിഎം അസ്​തമിച്ചുകൊണ്ടിരിക്കുന്ന പാർട്ടിയാണ്​. വരുന്ന തിരഞ്ഞെടുപ്പ്​ കേന്ദ്ര- സംസ്ഥാന സർക്കാരുകളുടെ വിലയിരുത്തലാകും. കേരളത്തിൽ സിപിഎമ്മിനെ നിലംപരിശാക്കുമെന്നും ചെന്നിത്തല പറഞ്ഞു.