കീം 2024: എൻജിനീയറിങ്, ഫാർമസി പുതുക്കിയ പരീക്ഷാ തീയതി പ്രസിദ്ധീകരിച്ചു

തിരുവനന്തപുരം: 2024-25 അധ്യയന വർഷത്തെ എൻജിനിയറിങ്/ഫാർമസി കോഴ്സുകളിലേക്കുള്ള പുതുക്കിയ പരീക്ഷാ തീയതി, സമയം എന്നിവ പ്രസിദ്ധീകരിച്ചു. എൻജിനീയറിങ് കോഴ്സിലേക്കുള്ള കമ്പ്യൂട്ടർ അധിഷ്ഠിത പ്രവേശന പരീക്ഷ ജൂൺ 5 മുതൽ 9 വരെ ഉച്ചയ്ക്ക് 2 മുതൽ വൈകിട്ട് 5 വരെ ആയിരിക്കും. എൻജിനീയറിങ് കോഴ്സിലേക്ക് പ്രവേശന പരീക്ഷയ്ക്കുള്ള വിദ്യാർത്ഥികൾ രാവിലെ 11.30 ന് പരീക്ഷാ കേന്ദ്രത്തിൽ റിപ്പോർട്ട് ചെയ്യണം. 

ഫാർമസി കോഴ്സിലേക്കുള്ള കമ്പ്യൂട്ടർ അധിഷ്ഠിത പ്രവേശന പരീക്ഷ ജൂൺ 10 ന് ഉച്ചയ്ക്ക് 3.30 മുതൽ വൈകിട്ട് 5 വരെയായിരിക്കും. ഫാർമസി പരീക്ഷയ്ക്ക് മാത്രമുള്ള വിദ്യാർത്ഥികൾ ജൂൺ 10 ന് ഉച്ചയ്ക്ക് 1 മണിക്ക് പരീക്ഷാ കേന്ദ്രത്തിൽ റിപ്പോർട്ട് ചെയ്യണം. കാൻഡിഡേറ്റ് പോർട്ടലിൽനിന്ന് പുതുക്കിയ അഡ്മിറ്റ് കാർഡ് ഡൗൺലോഡ് ചെയ്യാം. 

വിശദ വിവരങ്ങൾക്ക് പ്രവേശന പരീക്ഷാ കമ്മീഷണറുടെ www.cee.Kerala.gov.in എന്ന വെബ്സൈറ്റിലെ വിജ്ഞാപനം കാണുക. ഹെൽപ് ലൈൻ നമ്പർ: 0471-2525300.

Read More

• എംബിഎ കെ-മാറ്റ് പരീക്ഷകൾക്ക് അപേക്ഷ ക്ഷണിച്ചു
• കീം 2024: അഡ്മിറ്റ് കാർഡുകൾ പുറത്തിറക്കി, ഡൗൺലോഡ് ചെയ്യാം
• ന്യൂമീഡിയ ആൻഡ് ഡിജിറ്റൽ ജേണലിസം ഡിപ്ലോമ, അപേക്ഷ ക്ഷണിച്ചു
• എംപ്ലോയ്‌മെന്റ് എക്സ്ചേഞ്ചിൽ പേര് രജിസ്റ്റർ ചെയ്തിട്ടുണ്ടോ? കംപ്യൂട്ടർ കോഴ്സിന് അപേക്ഷിക്കാം