2024-25 സെഷനിൽ എഐ കോഴ്സുകൾ തിരഞ്ഞെടുത്തത് 8 ലക്ഷത്തിലധികം സിബിഎസ്ഇ വിദ്യാർത്ഥികൾ

ന്യൂഡൽഹി: 2024-25 ലെ അക്കാദമിക് സെഷനിൽ, സെൻട്രൽ ബോർഡ് ഓഫ് സെക്കൻഡറി എജ്യുക്കേഷനിലെ (സിബിഎസ്ഇ) ഏകദേശം എട്ട് ലക്ഷത്തോളം വിദ്യാർത്ഥികൾ 2019 ൽ ബോർഡ് അവതരിപ്പിച്ച എഐ കോഴ്‌സുകൾ തിരഞ്ഞെടുത്തു. ആർട്ടിഫിഷ്യൽ ഇന്റലിജൻസുമായി ബന്ധപ്പെട്ട കോഴ്‌സിനെ കുറിച്ച് ഗുജറാത്ത് എംപി രാജേഷ്ഭായ് ചുദാസമയുടെ ചോദ്യത്തിന് വിദ്യാഭ്യാസ മന്ത്രാലയത്തിലെ സഹമന്ത്രി ജയന്ത് ചൗധരി ലോക്‌സഭയിലാണ് ഇക്കാര്യം അറിയിച്ചത്. 

2024-25 സെഷനിൽ ഏകദേശം 4,538 സ്‌കൂളുകളിൽ നിന്നുള്ള 7,90,999 വിദ്യാർത്ഥികൾ സെക്കൻഡറി തലത്തിൽ എഐ തിരഞ്ഞെടുത്തു. 944 സ്‌കൂളുകളിൽ നിന്നായി ഏകദേശം 50,343 വിദ്യാർത്ഥികൾ സീനിയർ സെക്കൻഡറി തലത്തിൽ എഐ തിരഞ്ഞെടുത്തിട്ടുണ്ടെന്നും അദ്ദേഹം അറിയിച്ചു.

2019-ലാണ് ബോർഡ് അഫിലിയേറ്റഡ് സ്‌കൂളുകളിൽ 'ആർട്ടിഫിഷ്യൽ ഇന്റലിജൻസ്' കോഴ്സ് അവതരിപ്പിച്ചത്. എട്ടാം ക്ലാസിൽ 15 മണിക്കൂർ മോഡ്യൂളായും 9 മുതൽ 12 വരെ ക്ലാസുകളിൽ നൈപുണ്യ വിഷയമായും വിദ്യാർത്ഥികൾക്ക് കോഴ്‌സ് പഠിക്കാം.

Read More

• ആയുർവേദ, ഹോമിയോ, സിദ്ധ, യുനാനി കോഴ്‌സ്: സ്ട്രേ വേക്കൻസി അലോട്ട്മെന്റ് ലിസ്റ്റ് പ്രസിദ്ധീകരിച്ചു
• എം.ഫാം: ഒഴിവ് സീറ്റുകളിലേക്കുള്ള രണ്ടാം ഘട്ട അലോട്ട്മെന്റ് പ്രസിദ്ധീകരിച്ചു
• ബിഎസ്‌സി പാരാമെഡിക്കൽ ഡിഗ്രി കോഴ്സുകൾ; ഒഴിവുള്ള സീറ്റുകളിലേക്ക് സ്പോട്ട് അലോട്ട്മെന്റ്
• സിബിഎസ്ഇ 10, 12 ക്ലാസ് പ്രാക്ടിക്കൽ പരീക്ഷകൾ ജനുവരി മുതൽ