എൽഎൽഎം ഓൺലൈൻ പ്രവേശന പരീക്ഷ; അപേക്ഷകൾ ക്ഷണിച്ചു

തിരുവനന്തപുരം, എറണാകുളം, തൃശൂർ, കോഴിക്കോട് എന്നീ സർക്കാർ ലോ കോളേജുകളിലെയും സംസ്ഥാന സർക്കാരുമായി സീറ്റ് പങ്കിടുന്ന സ്വകാര്യ-സ്വാശ്രയ ലോ കോളേജുകളിലെയും 2020-21 അധ്യയന വർഷത്തെ എൽഎൽഎം കോഴ്സിലേയ്ക്കുളള ഓൺലൈൻ പ്രവേശന പരീക്ഷയ്ക്ക് അപേക്ഷകൾ ക്ഷണിച്ചു. അപേക്ഷാർത്ഥികൾ പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റിലൂടെ ഓൺലൈനായി അപേക്ഷ സമർപ്പിക്കണം. അപേക്ഷ സമർപ്പിക്കുന്നതിനുളള അവസാന തീയതി ജൂൺ 15 വൈകീട്ട് 5 മണി.

Read Also: എംജി സർവകലാശാല നാലാം സെമസ്റ്റർ ബിരുദ പരീക്ഷകൾ ജൂൺ 16 മുതൽ

തിരുവനന്തപുരം, എറണാകുളം, തൃശൂർ, കണ്ണൂർ എന്നീ ജില്ലകളിൽ വച്ച് ജൂൺ 28 നാണ് പരീക്ഷ. എൽഎൽബി പരീക്ഷയുടെ നിലവാരത്തിൽ ഒബ്ജക്ടീവ് മാതൃകയിൽ 100 ചോദ്യങ്ങൾ വീതമുളള രണ്ടു പാർട്ടുകളുളള ഓൺലൈൻ പരീക്ഷയുടെ ദൈർഘ്യം 2 മണിക്കൂറാണ്. വിശദമായ വിജ്ഞാപനം www.cee.kerala.gov.in എന്ന വെബ്സൈറ്റിൽ ലഭ്യമാണ്.