കോട്ടയം: കോവിഡ്-19 വ്യാപനത്തെത്തുടർന്ന് മാറ്റിവച്ച നാലാം സെമസ്റ്റർ ബിരുദ പരീക്ഷകൾ ജൂൺ 16 മുതൽ പുനരാരംഭിക്കുമെന്ന് വൈസ് ചാൻസലർ പ്രൊഫ. സാബു തോമസ് അറിയിച്ചു. പഠിക്കുന്ന കോളേജ് തന്നെയാണ് പരീക്ഷ കേന്ദ്രം. വിദ്യാർഥികൾ പഠിക്കുന്ന കോളേജിൽ പരീക്ഷയെഴുതണം.

ജൂൺ 15 മുതൽ ആരംഭിക്കാനിരുന്ന രണ്ടാം സെമസ്റ്റർ ബിരുദ പരീക്ഷകൾ ജൂൺ 23 മുതൽ ആരംഭിക്കും. നാലാം സെമസ്റ്റർ ബിരുദാനന്തര ബിരുദ പരീക്ഷകൾ ജൂൺ 23ന് ആരംഭിക്കും. ആറാം സെമസ്റ്റർ ബിരുദ പരീക്ഷകൾ വിജയകരമായി സർവകലാശാല പുനരാരംഭിച്ചിട്ടുണ്ട്.

Read Also: എംജി സർവകലാശാല പിജി പ്രവേശനം; ജൂൺ 15 വരെ അപേക്ഷിക്കാം

എംഫിൽ പ്രവേശനം; പ്രവേശന പട്ടിക പ്രസിദ്ധീകരിച്ചു

സ്‌കൂൾ ഓഫ് ഇന്റർനാഷണൽ റിലേഷൻസ് ആന്റ് പൊളിറ്റിക്‌സിലെ 2019-20 അക്കാദമിക വർഷത്തെ എംഫിൽ കോഴ്‌സിലേക്കുള്ള പ്രവേശന പട്ടിക പ്രസിദ്ധീകരിച്ചു. പട്ടിക സർവകലാശാല വെബ്‌സൈറ്റിൽ ലഭിക്കും. അഡ്മിഷൻ തീയതി പിന്നീട് അറിയിക്കും.

Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook