ഇഗ്നോ ജൂലൈ സെഷനിലെ അപേക്ഷ രജിസ്‌ട്രേഷന്‍ തീയതി വീണ്ടും നീട്ടി

ഇന്ദിരാഗാന്ധി ഓപ്പണ്‍ സര്‍വകലാശാല ജൂലൈ സെഷനിലെ പ്രവേശനത്തിനുള്ള അഡ്മിഷൻ തീയതി വീണ്ടും നീട്ടി. സെമസ്റ്റർ അധിഷ്ഠിത, സർട്ടിഫിക്കറ്റ് പ്രോഗ്രാമുകൾ ഒഴികെയുള്ള എല്ലാ പ്രോഗ്രാമുകൾക്കുമുള്ള അഡ്മിഷൻ തീയതിയാണ് നീട്ടിയിരിക്കുന്നത്. പുതിയ തീയതി പ്രകാരം ഒക്ടോബർ 31 വരെ അപേക്ഷിക്കാം.

നേരത്തെ ഒക്ടോബർ 15 നായിരുന്നു രജിസ്ട്രേഷനുള്ള അവസാന തീയതിയായി അറിയിച്ചിരുന്നത്. സർവകലാശാലയിൽ നിന്നും ലഭിക്കുന്ന പ്രോഗ്രാമുകളുടെ ലിസ്റ്റ് ഔദ്യോഗിക വെബ്സൈറ്റായ iop.ignouonline.ac.in ൽ ലഭ്യമാണ്. താത്പര്യമുള്ളവര്‍ക്ക് ഔദ്യോഗിക വെബ്‌സൈറ്റ് വഴി രജിസ്റ്റര്‍ ചെയ്യാം. 

എങ്ങനെ രജിസ്റ്റര്‍ ചെയ്യാം

• ഇന്ദിരാഗാന്ധി ഓപ്പണ്‍ സര്‍വകലാശാലയുടെ ഔദ്യോഗിക വെബ്‌സൈറ്റ് സന്ദര്‍ശിക്കുക
• ഹോം പേജിലെ അഡ്മിഷന്‍ ലിങ്ക് ക്ലിക്ക് ചെയ്യുക
• ന്യൂ രജിസ്‌ട്രേഷന്‍ ലിങ്ക് ക്ലിക്ക് ചെയ്യുക
• ആപ്ലിക്കേഷന്‍ ഫോം ഓണ്‍ലൈനായി പൂരിപ്പിക്കുക 
• ആവശ്യമായ രേഖകള്‍ അപ്‌ലോഡ് ചെയ്യുക 
• സബ്മിറ്റ് ഓപ്ഷന്‍ ക്ലിക്ക് ചെയ്യുക 
• രജിസ്‌ട്രേഷന്‍ ഫീസ് അടയ്ക്കുക 
• അപേക്ഷ ഫോമില്‍ നിങ്ങള്‍ നല്‍കിയിട്ടുള്ള വിവരങ്ങള്‍ പരിശോധിക്കുക 
• അപേക്ഷ ഫോമിന്റെ പകര്‍പ്പ് ഭാവി ആവശ്യങ്ങള്‍ക്കായി സൂക്ഷിക്കുക

ഒഡിഎൽ, ഓൺലൈൻ പ്രോഗ്രാമുകൾക്കുള്ള 2024 ഡിസംബറിലെ ടേം എൻഡ് എക്സാമിനേഷൻ (ടിഇഇ) രജിസ്ട്രേഷന്റെ അവസാന തീയതി ഒക്ടോബർ 14-ന് ഇഗ്നോ നീട്ടിയിട്ടുണ്ട്. ലേറ്റ് ഫീസില്ലാത്ത വിദ്യാർത്ഥികൾക്ക് ഒക്ടോബർ 20-നകം അപേക്ഷാ ഫോം സമർപ്പിക്കാം, എന്നാൽ 1100 രൂപ ലേറ്റ് ഫീസോടെ വിദ്യാർത്ഥികൾക്ക് ഒക്ടോബർ 22 നും ഒക്ടോബർ 31 നും ഇടയിൽ പരീക്ഷാ ഫോം സമർപ്പിക്കാം. 

Read More

• അഭിഭാഷകർക്ക് അവസരം, ലീഗൽ കൺസൾട്ടന്റുരെ ക്ഷണിച്ച് നോർക്ക
• സംസ്‌കൃത സർവകലാശാലയിൽ ഫുൾടൈം പിഎച്ച്ഡി പ്രവേശനം; അപേക്ഷിക്കാം
• UGC NET Result 2024: യുജിസി നെറ്റ് ജൂൺ പരീക്ഷാഫലം എപ്പോൾ, എവിടെ അറിയാം?
• പ്രൊഫഷണൽ ഡിപ്ലോമ കോഴ്‌സുകൾക്ക് അപേക്ഷിക്കാം