സിബിഎസ്ഇ 10, 12 ക്ലാസ്: വെരിഫിക്കേഷൻ, ഇംപ്രൂവ്മെന്റ് പരീക്ഷയ്ക്ക് അപേക്ഷിക്കേണ്ടത് എങ്ങനെ?

ന്യൂഡൽഹി: സിബിഎസ്ഇ 10, 12 ക്ലാസുകളിലെ വിദ്യാർത്ഥികൾക്ക് വെരിഫിക്കേഷൻ, മൂല്യനിർണ്ണയം ചെയ്ത ഉത്തര പുസ്തകങ്ങളുടെ ഫോട്ടോകോപ്പി, പുനർമൂല്യനിർണയം എന്നിവയ്ക്ക് അപേക്ഷിക്കുന്നതിനുള്ള ഷെഡ്യൂൾ സിബിഎസ്ഇ പ്രസിദ്ധീകരിച്ചു. 12-ാം ക്ലാസ് വിദ്യാർത്ഥികൾക്ക് മേയ് 17 മുതൽ 21 വരെ മാർക്ക് വെരിഫിക്കേഷന് അപേക്ഷിക്കാം. 10-ാ ക്ലാസ് വിദ്യാർത്ഥികൾക്ക് വെരിഫിക്കേഷന് അപേക്ഷിക്കാനുള്ള തീയതി മേയ് 20 മുതൽ 24 വരെയാണ്. വിദ്യാർത്ഥികൾ ഓരോ വിഷയത്തിനും 500 രൂപ ഫീസ് അടയ്ക്കണം.

10-ാം ക്ലാസ് വിദ്യാർത്ഥികൾക്ക് മൂല്യനിർണ്ണയം ചെയ്ത ഉത്തര പുസ്തകങ്ങളുടെ ഫോട്ടോകോപ്പി ലഭിക്കാൻ ജൂൺ 4 മുതൽ 5 വരെ അപേക്ഷിക്കാം. ഒരു വിഷയത്തിന് 500 രൂപയാണ് ഫീസ്. റീവാലുവേഷന് ജൂൺ 9 മുതൽ 10 വരെയാണ് അപേക്ഷിക്കുന്നതിനുള്ള സമയം. ഒരു ചോദ്യത്തിന് 100 രൂപയാണ് ഫീസ്.

12-ാം ക്ലാസ് വിദ്യാർത്ഥികൾക്ക് മൂല്യനിർണ്ണയം ചെയ്ത ഉത്തര പുസ്തകങ്ങളുടെ ഫോട്ടോകോപ്പി ലഭിക്കാൻ മേയ് 17 മുതൽ 21 വരെ അപേക്ഷിക്കാം. ഒരു വിഷയത്തിന് 500 രൂപയാണ് ഫീസ്. റീവാലുവേഷന് ജൂൺ 6 മുതൽ 7 വരെയാണ് അപേക്ഷിക്കുന്നതിനുള്ള സമയം. ഒരു ചോദ്യത്തിന് 100 രൂപയാണ് ഫീസ്.

അപേക്ഷയും ഫീസും ഓൺലൈനായാണ് അടയ്ക്കേണ്ടത്. സ്കോറുകളിൽ മാറ്റമുണ്ടായാൽ, വിദ്യാർത്ഥികൾ 2024 ലെ 10, 12 മാർക്ക് ഷീറ്റുകൾ സറണ്ടർ ചെയ്യണം. അതിനുശേഷം പുതിയ മാർക്ക് ഷീറ്റ് നൽകും. 

Read More

• മീഡിയ അക്കാദമി പി.ജി.ഡിപ്ലോമ: മേയ് 31 വരെ അപേക്ഷിക്കാം
• കീം: അപേക്ഷയിലെ വിവരങ്ങൾ പരിശോധിക്കാം, അവസാന തീയതി നീട്ടി
• നിപമറിൽ സർട്ടിഫിക്കറ്റ് ഇൻ കെയർ ഗിവിങ് കോഴ്‌സ്, അപേക്ഷകൾ ക്ഷണിച്ചു
• സേ പരീക്ഷയ്ക്ക് വിജ്ഞാപനം പുറപ്പെടുവിച്ചു, പരീക്ഷകൾ മേയ് 28 മുതൽ