Happy Womens Day 2019 Quotes, Images, Wishes: സ്ത്രീത്വത്തെ ആഘോഷിക്കാന്‍ ഒരു ദിനം, അതാണ് അന്താരാഷ്ട്ര വനിതാ ദിനം. അങ്ങനെ ഒരു ദിനത്തിലേക്ക് സ്ത്രീയെ ഒതുക്കാതെ എല്ലാ ദിനങ്ങളും അവളുടേതായി മാറുന്ന ഒരു കാലത്തിലേക്കുള്ള യാത്രയിലാണ് പതിയെയെങ്കിലും നാം. സാമൂഹിക-സാംസ്‌കാരിക-രാഷ്ട്രീയ-സാമ്പത്തിക മേഖലകളില്‍ വ്യക്തിമുദ്ര പതിപ്പിച്ച, ജീവിച്ചിരിക്കുന്നവരും മരിച്ചവരുമായ ഒട്ടേറെ സ്ത്രീകളുണ്ട് നമുക്ക് ചുറ്റും.

1990കളിലാണ് ലോകം വനിതാ ദിനം ആചരിച്ചു തുടങ്ങിയത്. എന്നാല്‍ അക്കാലത്ത് അന്താരാഷ്ട്ര തൊഴിലാളി വനിതാ ദിനമായിരുന്നു. ഐക്യരാഷ്ട്ര സഭ ഈ ദിനത്തെ അംഗീകരിക്കുകയും ഓരോ വര്‍ഷവും ഓരോ ആശയത്തോടെ ആഘോഷിക്കുകയും ചെയ്യാറുണ്ട്.

ഇതൊരു ആഘോഷം മാത്രമല്ല, ഫെമിനിസം, സ്ത്രീകളുടെ തുല്യാവകാശം തുടങ്ങി ഇതിനോട് ചേര്‍ത്തു വായിക്കേണ്ട ഒട്ടനവധി കാര്യങ്ങളുണ്ട്. തൊഴിലിടങ്ങളില്‍ പുരുഷനെക്കാള്‍ കുറവാണ് സ്ത്രീകളുടെ എണ്ണമെങ്കിലും അത് വര്‍ദ്ധിച്ചു വരുന്നുണ്ട്. തൊഴിലാവട്ടെ, വിദ്യാഭ്യാസമാകട്ടെ ഏതൊരു മേഖലയിലും സ്ത്രീയ്ക്ക് തുല്യ അവസരവും നീതിയും ലഭ്യമായി തുടങ്ങിയത് ഒറ്റരാത്രികൊണ്ടല്ല. അതിന് തുടക്കമിട്ട നിരവധിപേരുണ്ട്.

തങ്ങളുടെ കര്‍മ്മ മണ്ഡലങ്ങളിലെ പ്രകടനം കൊണ്ട് സമൂഹത്തെ സ്വാധീനിച്ച ചില സ്ത്രീകളുടെ വാക്കുകളിലേക്ക്.

‘നേതാക്കള്‍ക്കായി കാത്തിരിക്കരുത്. തനിയെ ചെയ്യുക. ഒരാളില്‍ നിന്നും മറ്റൊരാളിലേക്ക്. ചെറിയകാര്യങ്ങളില്‍ പോലും വിശ്വസിക്കുക. കാരണം അതാണ് നിങ്ങളുടെ ശക്തിയുടെ ഉറവിടം’- മദര്‍ തെരേസ
‘രാജ്യ സേവനത്തിനായി മരിക്കേണ്ടി വന്നാലും ഞാന്‍ അതില്‍ അഭിമാനിക്കും. എന്റെ ഓരോ തുള്ളി രക്തവും ഈ രാജ്യത്തിന്റെ വളര്‍ച്ചയ്ക്കും അതിനെ ശക്തിപ്പെടുത്തുന്നതിനും വേണ്ടിയാണ് ഞാന്‍ സംഭാവന ചെയ്യുന്നത്,’ ഇന്ത്യയുടെ ആദ്യ വനിതാ പ്രധാനമന്ത്രി ഇന്ദിരാഗാന്ധിയുടെ വാക്കുകള്‍.
‘നിശ്ശബ്ദരാക്കപ്പെടുമ്പോള്‍ മാത്രമാണ് ശബ്ദങ്ങളുടെ പ്രാധാന്യം നമ്മള്‍ തിരിച്ചറിയുന്നത്,’ മലാല യൂസഫ് സായി
‘ഞാന്‍ എന്റെ സ്വന്തമായി ഒന്നുണ്ടാക്കും. അത് നടന്നാല്‍ നടന്നു, അല്ലെങ്കില്‍ ഞാന്‍ മറ്റൊന്നുണ്ടാക്കും. എനിക്ക് എന്തെങ്കിലും ആകാമെന്നോ ചെയ്യാമെന്നു കരുതുന്ന കാര്യങ്ങളില്‍ യാതൊരു പരിമിതികളും ഇല്ല,’ ഒപെറ വിന്‍ഫ്രെ
‘വിജയം എന്നത് നിങ്ങളുണ്ടാക്കുന്ന പണം അല്ല. അത് മറ്റുള്ളവരുടെ ജീവിതത്തില്‍ നിങ്ങള്‍ സൃഷ്ടിക്കുന്ന മാറ്റമാണ്,’ മിഷേല്‍ ഒബാമ
‘സന്തോഷത്തിന്റെ ഒരു വാതില്‍ അടയുമ്പോള്‍, മറ്റൊന്നു തുറക്കുന്നു. എന്നാല്‍ ഇടയ്ക്കിടെ നാം അടഞ്ഞവാതിലിലേക്ക് തന്നെ നോക്കിയിരിക്കുകയാണെങ്കില്‍ നമുക്കായി തുറന്നു കിടക്കുന്ന വാതിലുകള്‍ നാം കാണാതെ പോകും,’ ഹെലന്‍ കെല്ലര്‍
‘ഞാന്‍ ആരാണെന്ന് മറ്റുള്ളവര്‍ തീരുമാനിക്കേണ്ട, അത് ഞാന്‍ തന്നെ തീരുമാനിക്കും,’ എമാ വാട്‌സണ്‍.

International Women’s Day 2020: Date, history, importance, and why we celebrate Women’s Day on March 8

1857 മാര്‍ച്ച് 8 ന് ന്യൂയോര്‍ക്കിലെ വനിതകള്‍ നടത്തിയ അവകാശങ്ങള്‍ക്ക് വേണ്ടിയുളള പ്രക്ഷോഭമാണ് വനിതാ ദിനത്തിന് തുടക്കമിട്ടത്. ആദ്യമൊക്കെ പൊലീസ് സഹായത്തോടെ സര്‍ക്കാര്‍ ഈ പ്രതിഷേധത്തെ അടിച്ചൊതുക്കി. പക്ഷേ തുടർന്നും ഇത്തരം പ്രകടനങ്ങൾക്ക് ന്യൂയോർക്ക് സാക്ഷ്യ വഹിച്ചു. 1910ല്‍ കോപെന്‍ഹേഗനില്‍ അന്താരാഷ്ട്ര സ്ത്രീ സമ്മേളനം നടന്നു. ഈ സമ്മേളനത്തിലാണ് വനിതാദിനം എന്ന ആശയം നടപ്പിലായത്.

ലോകത്തിന്റെ പല ഭാഗങ്ങളിലും മാര്‍ച്ച് 19 നും മാര്‍ച്ച് 25 നുമായിരുന്നു വനിതാ ദിനം ആ‍ചരിച്ചിരുന്നത്. ഒന്നാം ലോക മഹായുദ്ധത്തിന്റെ തുടക്കത്തിൽ 1913 മാര്‍ച്ച് 8 ന് യൂറോപ്പിലാകമാനം സ്ത്രീകളുടെ നേതൃത്വത്തില്‍ ഒരു സമാധാന റാലി നടന്നു. ഇതിനുശേഷമാണ് മാര്‍ച്ച് 8 വനിത ദിനമായി ആചരിക്കാന്‍ തുടങ്ങിയത്.

1910ല്‍ ജര്‍മനിയിലെ വനിതാ നേതാവും രാഷ്ട്രീയ പ്രവര്‍ത്തകയുമായ ക്ലാരാ സെറ്റ്കിന്‍ ആണ് രാജ്യാന്തര തലത്തില്‍ വനിതാദിനത്തിന്റെ പ്രാധാന്യം ലോകത്തിനു മുമ്പില്‍ അവതരിപ്പിച്ചത്. 17 രാജ്യങ്ങളില്‍നിന്നുള്ള വനിതാ പ്രതിനിധികള്‍ പങ്കെടുത്ത സമ്മേളനത്തിലാണ് ഇത്തരമൊരു ആശയം അവതരിപ്പിക്കപ്പെട്ടത്. ഈ സമ്മേളനത്തില്‍ തന്നെ അതിന് അംഗീകാരവും ലഭിച്ചു. തുടര്‍ന്ന് തൊട്ടടുത്ത വര്‍ഷം 1911ല്‍ രാജ്യാന്തര തലത്തില്‍ ഈ ദിനം ആചരിച്ചു. റഷ്യ അടക്കമുളള നിരവധി രാജ്യങ്ങളിൽ വനിതാ ദിനം ദേശീയ അവധി ദിനമാണ്.

International Women’s Day: അതു വരെ, മാർച്ച് എട്ട് വെറുമൊരു ദിവസം മാത്രം