പഴുത്ത തക്കാളി വാങ്ങിച്ചോളൂ, സോസ് വീട്ടിൽ തയ്യാറാക്കിയെടുക്കാം
നന്നായി പഴുത്ത നാടൻ തക്കാളിയും കുറച്ച് മസാലപ്പൊടികളും ഉണ്ടെങ്കിൽ തക്കാളി സോസ് വീട്ടിൽ തന്നെ തയ്യാറാക്കാം
തക്കാളി വൃത്തിയായി കഴുകി ചെറിയ കഷ്ണങ്ങളാക്കാം. അതിലേയ്ക്ക് ബീറ്റ്റൂട്ട് കഷ്ണങ്ങൾ കൂടി ചേർക്കാം
ഒരു കുക്കറിലേയ്ക്ക് മാറ്റി അര കപ്പ് വെള്ളം ഒഴിക്കാം. ഇതിലേയ്ക്ക് ആവശ്യത്തിന് ഉപ്പ് ചേർത്ത് അടച്ചു വെച്ച് വേവിക്കാം
തക്കാളിയും ബീറ്റ്റൂട്ടും ഉടച്ച് വെള്ളം കളഞ്ഞ് പൾപ്പ് മാത്രമായി എടുക്കാം. കട്ടിയുള്ള മറ്റൊരു പാത്രത്തിലെടുത്ത് തിളപ്പിച്ച് കുറുക്കാം
തിളച്ചു വരുന്ന തക്കാളി പൾപ്പിലേയ്ക്ക് രണ്ട് ടേബിൾസ്പൂൺ പഞ്ചസാരയും, കാൽ കപ്പ് വിനാഗിരിയും, ഒരു ടീസ്പൂൺ കാശ്മീരുമുളകുപൊടിയും, ആവശ്യത്തിന് ഉപ്പും ചേർക്കാം
വെള്ളം വറ്റി കട്ടിയായി വരുമ്പോൾ അടുപ്പണയ്ക്കാം. തണുക്കാൻ മാറ്റി വയ്ക്കാം
തണുത്തതിനു ശേഷം വൃത്തിയുള്ള ഒരു കുപ്പിയിലേയ്ക്കു മാറ്റി ആവശ്യാനുസരണം ഉപയോഗിക്കാം