സൾഫേറ്റ് രഹിത ഹെയർ കണ്ടീഷ്ണറുകളാണോ വേണ്ടത്? ഇവയിൽ ഒന്ന് തിരഞ്ഞെടുക്കൂ

തലമുടി അമിതമായി വരണ്ടു പോകാതിരിക്കാനും തിളക്കത്തോടെ സൂക്ഷിക്കാനും കണ്ടീഷ്ണറുകൾ സഹായിക്കും

വെളിച്ചെണ്ണ തേൻ

രണ്ട് ടേബിൾസ്പൂൺ വെളിച്ചെണ്ണയിലേയ്ക്ക് ഒരു ടേബിസ്പൂൺ തേൻ ചേർത്തിളക്കി യോജിപ്പിക്കാം. നനഞ്ഞ മുടിയിലേയ്ക്ക് ഇത് പുരട്ടാം. 20 മിനിറ്റിനു ശേഷം തണുത്ത വെള്ളത്തിൽ കഴുകി കളയാം

നിങ്ങളുടെ തലമുടിയുടെ പ്രകൃതം അനുസരിച്ചുള്ള കണ്ടീഷ്ണറുകൾ തിരഞ്ഞെടുക്കാം

അവക്കാഡോ ഒലിവ് എണ്ണ

ഒരു ടേബിൾസ്പൂൺ പഴുത്ത അവക്കാഡോയിലേയ്ക്ക് രണ്ട് ടേബിൾസ്പൂൺ ഒലിവ് എണ്ണ ചേർത്തിളക്കി യോജിപ്പിക്കാം. ഇത് തലമുടിയുടെ വേരുകളിൽ നിന്ന് അറ്റം വരെ പുരട്ടാം. ശേഷം 30 മിനിറ്റ് വിശ്രമിക്കുക. തണുത്ത വെള്ളം ഉപയോഗിച്ച് കഴുകി കളയാം

പഴം തൈര്

നന്നായി പഴുത്ത ഒരു പഴത്തിലേയ്ക്ക് രണ്ട് ടേബിൾസ്പൂൺ തൈര് ചേർത്തിളക്കി ഉടച്ചെടുക്കാം. ഈ മിശ്രിതം തലമുടിയിൽ പുരട്ടി 15 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം. ഇത് മുടി വരണ്ട് കെട്ടുപിണയുന്നത് തടയും

ആപ്പിൾ സിഡാർ വിനാഗിരി

ഒരു കപ്പ് വെള്ളത്തിലേയ്ക്ക് രണ്ട് ടേബിൾസ്പൂൺ ആപ്പിൾ സിഡാർ വിനാഗിരി ചേർത്ത് ഡയല്യൂട്ട് ചെയ്തെടുക്കാം. ഷാമ്പൂ കഴുകി കളയാൻ ഈ വെള്ളം ഉപയോഗിക്കാം. ഇത് തലയോട്ടിയിലെ പിഎച്ച് ബാലൻസ് ചെയ്യാൻ ഗുണകരമാണ്

കറ്റാർവാഴ ഒലിവ് എണ്ണ

രണ്ട് ടേബിൾസ്പൂൺ കറ്റാർവാഴ ജെല്ലിലേയ്ക്ക് ഒരു ടേബിൾസ്പൂൺ ഒലിവ് എണ്ണ ചേർത്തിളക്കി യോജിപ്പിക്കാം. ഇത് നനഞ്ഞ മുടിയിൽ പുരട്ടി 20 മിനിറ്റ് വിശ്രമിക്കാം. ശേഷം തണുത്ത വെള്ളത്തിൽ കഴുകി കളയാം | ചിത്രം: ഫ്രീപിക്