മുളച്ചുപോവുമോ എന്ന പേടി വേണ്ട; ഉരുളക്കിഴങ്ങ് മാസങ്ങളോളം ഫ്രഷ് ആയിരിക്കാൻ ചില പൊടിക്കൈകൾ
ഫ്രിഡ്ജില്ലാതെ ഉരുളക്കിഴങ്ങ് കൂടുതൽ കാലം കേടാകാതെ സൂക്ഷിക്കാൻ സഹായിക്കുന്ന ചില ലളിതമായ വഴികളുണ്ട്
ഉരുളക്കിഴങ്ങ് സൂക്ഷിക്കാൻ ഏറ്റവും മികച്ച സ്ഥലം തണുപ്പുള്ളതും, ഇരുണ്ടതും, വരണ്ടതുമായ ഒരിടമാണ്
നേരിട്ടുള്ള സൂര്യപ്രകാശം ഏൽക്കുന്നത് ഒഴിവാക്കണം. സൂര്യപ്രകാശം ഏൽക്കുന്നത് ഉരുളക്കിഴങ്ങ് പച്ചനിറമാകാനും ടോക്സിനായ 'സൊളാനൈഡ്' രൂപപ്പെടാനും കാരണമാകും
വായു കടക്കുന്ന തരത്തിലുള്ള സഞ്ചികളിലോ, കൊട്ടകളിലോ, അല്ലെങ്കിൽ കടലാസ് സഞ്ചികളിലോ വേണം ഉരുളക്കിഴങ്ങ് സൂക്ഷിക്കാൻ
പ്ലാസ്റ്റിക് സഞ്ചികൾ ഒഴിവാക്കാം, കാരണം അവ ഈർപ്പം നിലനിർത്തുകയും ചീഞ്ഞുപോവാൻ കാരണമാവുകയും ചെയ്യും
ഉള്ളി, വാഴപ്പഴം പോലുള്ള 'എഥിലീൻ ഗ്യാസ്' പുറത്തുവിടുന്ന പച്ചക്കറികളുടെയോ പഴങ്ങളുടെയോ കൂടെ ഉരുളക്കിഴങ്ങ് സൂക്ഷിക്കുന്നത് അവ പെട്ടെന്ന് മുളയ്ക്കാൻ കാരണമാകും. അതിനാൽ ഉരുളക്കിഴങ്ങും ഉള്ളിയും അടുത്ത് വെക്കാതിരിക്കാൻ ശ്രദ്ധിക്കാം
ഇടയ്ക്കിടെ ഉരുളക്കിഴങ്ങ് പരിശോധിച്ച്, മുള വന്നതോ, മൃദുലമായതോ, കേടായതോ ആയവ ഉടൻ മാറ്റാം. അല്ലെങ്കിൽ അത് മറ്റ് കിഴങ്ങുകളിലേക്കും പകരുകയും മൊത്തത്തിൽ കേടായി പോവുകയും ചെയ്യും