തൈര് ഇഷ്ടമില്ലേ? പകരം ഇത് ചേർക്കൂ; സാലഡിന് രുചി കൂടും
തൈര് കഴിക്കാൻ താൽപര്യമില്ലാത്തവർക്കായി ഇതാ ഒരു വെറൈറ്റി റെസിപ്പി
സവാളയും തോങ്ങാപ്പാലും കൊണ്ട് എളുപ്പത്തിൽ തയ്യാറാക്കാൻ പറ്റുന്ന വിഭവമാണിത്
ഇടത്തരം വലിപ്പമുള്ള മൂന്നു സവാള കട്ടി കുറച്ച് അരിഞ്ഞത് ഒരു ടീസപൂൺ ഉപ്പ് ചേർത്ത് മാറ്റി വെയ്ക്കാം
ഒരു മുറി തേങ്ങ ചിരകിയതിലേയ്ക്ക് അര കപ്പ് വെള്ളം കൂടി ചേർത്ത് അരച്ചെടുക്കുക. ശേഷം തേങ്ങാപ്പാൽ പിഴിഞ്ഞെടുത്ത് വെയ്ക്കാം
മാറ്റി വെച്ചിരിക്കുന്ന സവാള പതിനഞ്ചു മിനിറ്റിനു ശേഷം നീരു കളഞ്ഞെടുക്കാം
ഒരു ടീസ്പൂൺ ഇഞ്ചി ചെറുതായ് അരിഞ്ഞത്, കറിവേപ്പില അരിഞ്ഞത്, നാല് പച്ചമുളക് ചെറുതായ് അരിഞ്ഞത്, കാൽ ടീസ്പൂൺ കുരുമുളകുപൊടി, രണ്ടു ടീസ്പൂൺ വിനാഗിരി എന്നിവ സവാളയിലേക്ക് ചേർക്കാം
തയ്യാറാക്കി വെച്ചിരിക്കുന്ന തേങ്ങാപ്പാലുകൂടി അതിലേക്ക് ചേർത്ത് ഒരു ടീസ്പൂൺ വെളിച്ചെണ്ണ ഒഴിച്ച് ഇളക്കാം. അങ്കമാലി സ്പെഷ്യൽ സർലാസ് തയ്യാർ