കട്ട കറുപ്പൻ തലമുടി നേടാൻ ഇതാ ഒരു മാജിക് ഓയിൽ

അകാല നര മുതൽ മുടികൊഴിച്ചിൽ വരെയുള്ള പ്രശ്നങ്ങൾ ഇന്ന് ഏവരെയും അലട്ടുന്ന കാര്യമാണ്

എന്നാൽ ഇവ പരിഹരിക്കുന്നതിന് പ്രത്യേകം ഉത്പന്നങ്ങൾ ഉപയോഗിക്കുന്നതിനു പകരം ഈ​ ഹെർബൽ ഓയിൽ ശീലമാക്കാം

അതിനായി ഒരു മാജിക് ഓയിൽ തയ്യാറാക്കി സൂക്ഷിക്കാം

ചേരുവകൾ

വെളിച്ചെണ്ണ അല്ലെങ്കിൽ നല്ലെണ്ണ- 1 കപ്പ്, ഹെന്ന പൗഡർ- 2 ടേബിൾസ്പൂൺ, കറിവേപ്പില- ഒരു പിടി, ഉലുവ- 1 ടീസ്പൂൺ

തയ്യാറാക്കുന്ന വിധം

അടി കട്ടിയുള്ള ഒരു ഇരുമ്പ് ചീനച്ചട്ടി അടുപ്പിൽ വച്ചു ചൂടാക്കാം. അതിലേയ്ക്ക് ഒരു കപ്പ് വെളിച്ചെണ്ണയോ നല്ലെണ്ണയോ ഒഴിച്ചു തിളപ്പിക്കാം. എണ്ണ ചൂടായി കഴിയുമ്പോൾ രണ്ട് ടേബിൾസ്പൂൺ ഹെന്ന പൗഡർ, ഒരു പിടി കറിവേപ്പില നുറുക്കിയത്., ഒരു ടീസ്പൂൺ ഉലുവ എന്നിവ ചേർക്കാം. എണ്ണയുടെ നിറം മാറുമ്പോൾ തീ കുറച്ചു വയ്ക്കാം. ശേഷം അടുപ്പണച്ച് അത് അരിച്ച് തണുക്കാൻ മാറ്റി വയ്ക്കാം. ഇത് ഒരു കുപ്പിയിലാക്കി സൂക്ഷിച്ചാൽ ആവശ്യാനുസരണം ഉപയോഗിക്കാം

ഉപയോഗിക്കേണ്ട വിധം

ആഴ്ചയിൽ രണ്ടോ മൂന്നോ തവണ ഈ എണ്ണ ഉപയോഗിക്കാം. കുളിക്കുന്നതിനു മുമ്പ് ശിരോചർമ്മത്തിലും മുടിയിഴകളിലും എണ്ണ പുരട്ടാം. ശേഷം മൃദുവായി മസാജ് ചെയ്യാം. ഒരു മണിക്കൂറെങ്കിലും വിശ്രമിച്ച ശേഷം തണുത്ത വെള്ളത്തിൽ കഴുകി കളയാം

ഗുണങ്ങൾ

സ്ഥിരമായി ഇത് ഉപയോഗിക്കുന്നതിലൂടെ പതിയെ തലമുടിയുടെ നിറം മെച്ചപ്പെടുന്നതും തിളക്കം കൂടുന്നതും കാണാൻ സാധിക്കും | ചിത്രങ്ങൾ : ഫ്രീപിക്