ജെലാറ്റിനോ നിറങ്ങളോ ചേർക്കേണ്ട, ഇനി വീട്ടിൽ തയ്യാറാക്കാം ശുദ്ധമായ ജാം

ചേരുവകൾ

ബീറ്റ്റൂട്ട്, ഈന്തപ്പഴം, വെള്ളം, പഞ്ചസാര, തക്കോലം, ഗ്രാമ്പൂ , ഏലയ്ക്ക

രണ്ട് ബീറ്റ്റൂട്ട് തൊലി കളഞ്ഞ് ചെറിയ കഷ്ണങ്ങളാക്കിയതിലേയ്ക്ക് കുരുകളഞ്ഞ നാലോ അഞ്ചോ ഈന്തപ്പഴം ചേർത്ത് കുറച്ച് വെള്ളം ഒഴിച്ചു വേവിക്കാം

വേവിച്ചെടുത്ത ബീറ്റ്റൂട്ടും ഈന്തപ്പഴവും അരച്ചെടുക്കാം

ഒരു പാൻ അടുപ്പിൽ വെച്ച് 100 ഗ്രാം പഞ്ചസാരയിലേയ്ക്ക് അൽപ്പം വെള്ളം ഒഴിച്ച് അലിയിച്ചെടുക്കാം

പഞ്ചസാര അലിഞ്ഞു വരുമ്പോൾ തക്കോലം, ഗ്രാമ്പൂ, ഏലയ്ക്ക എന്നിവ ചേർത്തിളക്കാം

വെള്ളം വറ്റി തുടങ്ങുമ്പോൾ അരച്ചു വെച്ചിരിക്കുന്ന ബീറ്റ്റൂട്ട് ചേർത്തിളക്കി കുറക്കിയെടുക്കാം

നനവില്ലാത്ത വൃത്തിയുള്ള പാത്രത്തിലേയ്ക്കു പകർന്ന് സൂക്ഷിക്കാം

ചിത്രങ്ങൾ: ഫ്രീപിക്