ഉറങ്ങുന്നതിനു മുമ്പ് ഇത് ഒരു നുള്ള് പാലിൽ ചേർത്തു കൂടിക്കൂ, ആരോഗ്യ ഗുണങ്ങൾ ഏറെയാണ്

രാത്രിയിൽ പാൽ കുടിക്കുന്നത് നല്ല ഉറക്കത്തിന് സഹായിക്കും. പാലിലെ 'ട്രിപ്റ്റോഫാൻ' എന്ന അമിനോ ആസിഡിന്റെ സാന്നിധ്യമാണ് സുഖകരമായ ഉറക്കത്തിന് സഹായിക്കുന്നത്

സാധാരണ പാലിൽ പഞ്ചസാര ചേർത്താണ് അധികം ആളുകളും കുടിക്കാറുള്ളത്. എന്നാൽ പകരം ഇനി ശർക്കര ചേർത്താലോ?

ദഹന ആരോഗ്യം

ശർക്കരയ്ക്ക് ദഹന എൻസൈമുകളെ സജീവമാക്കാനുള്ള കഴിവുണ്ട്. ഇതിലൂടെ മലബന്ധം, ഗ്യാസ് തുടങ്ങിയ പ്രശ്നങ്ങൾ തടയാൻ സാധിച്ചേക്കും

ആർത്തവ വേദന

ആർത്തവ സമയത്ത് ചൂടുള്ള പാനീയങ്ങൾ വളരെ ആശ്വാസം നൽകും. ചെറുചൂടുള്ള പാലിൽ ശർക്കര ചേർത്ത് കുടിക്കുന്നത് ഗുണം ചെയ്യും. ശർക്കരയിൽ ഇരുമ്പും ഫോളേറ്റും അടങ്ങിയിട്ടുണ്ട്. ഇത് ശരിയായ രക്തചംക്രമണത്തിന് സഹായിക്കുന്നു

ചർമ്മാരോഗ്യം

ആന്റിഓക്‌സിഡന്റുകൾ ശർക്കരയിൽ അടങ്ങിയിട്ടുണ്ട്. കൂടാതെ, ശർക്കര രക്തത്തെ ശുദ്ധീകരിക്കാൻ സഹായിക്കുന്നു, ഇത് ചർമ്മത്തിന് സ്വാഭാവികമായ തിളക്കം നൽകുന്നതിൽ ഒരു പങ്ക് വഹിക്കും

പ്രതിരോധശേഷി

പാലും ശർക്കരയും ശക്തമായ പ്രതിരോധ സംവിധാനത്തിന് ആവശ്യമായ വിറ്റാമിനുകളും പോഷകങ്ങളും കൊണ്ട് സമ്പുഷ്ടമാണ്

സന്ധി വേദന

പാലിൽ കാൽസ്യം ധാരാളമായി അടങ്ങിയിട്ടുണ്ട്. ഇതിലേക്ക് ശർക്കര ചേർക്കുമ്പോൾ ആരോഗ്യ ഗുണം കൂടും. ശർക്കരയിൽ മഗ്നീഷ്യം, ഫോസ്ഫറസ് തുടങ്ങിയ പോഷകങ്ങൾ അടങ്ങിയിട്ടുണ്ട്. ഇവ രണ്ടും സന്ധി വേദന മൂലമുണ്ടാകുന്ന അസ്വസ്ഥതകളിൽ നിന്ന് ആശ്വാസം നൽകും | ചിത്രങ്ങൾ: ഫ്രീപിക്