ഇടതൂർന്ന തലമുടിക്ക് എള്ളെണ്ണയോ റോസ്മേരിയോ? നിങ്ങൾ ഏതു തിരഞ്ഞെടുക്കും

റോസ്മേരി എണ്ണ

ധാരാളം ആൻ്റി ഓക്സിഡൻ്റ്, ആൻ്റി ഇൻഫ്ലമേറ്ററി സവിശേഷതകൾ അതിൽ ഉൾച്ചേർന്നിരിക്കുന്നു. തലയോട്ടിയുടെ ആരോഗ്യത്തിന് ഗുണം ചെയ്യുന്നതിലൂടെ കരുത്തുറ്റ തലമുടിയുടെ വളർച്ചക്ക് ഇത് സഹായിക്കുന്നു

റോസ്മേരി എണ്ണ ഉപയോഗിച്ച് തലയോട്ടി മസാജ് ചെയ്യുന്നത് രക്തയോട്ടത്തിന് ഗുണകരമാണ്. രക്തയോട്ടം വർധിക്കുന്നു എന്നാൽ ഹെയർ ഫോളിക്കിലുകളിലേയ്ക്ക് ആവശ്യമായ പോഷകങ്ങൾ ലഭിക്കുന്നു എന്നാണ് അർത്ഥം

തലമുടിയുടെ കട്ടി കുറയുന്നതിന് കാരണമായ ഡൈഹൈഡ്രോട്ടെസ്റ്റോസ്റ്റിറോൺ തടയുന്നതിന് റോസ്മേരി എണ്ണയ്ക്ക് കഴിയും. ഇത് കഷണ്ടി, മുടി നേർത്തു പോകുന്ന അവസ്ഥ എന്നിവയ്ക്ക് എതിരെ പ്രവർത്തിക്കും

ഉപയോഗിക്കേണ്ട വിധം

വെളിച്ചെണ്ണയിലേയ്ക്ക് മൂന്നാ നാലോ തുള്ളി റോസ്മേരി എണ്ണ കലർത്തിയെടുക്കാം. അത് തലയോട്ടിയിൽ പുരട്ടി അഞ്ച് മുതൽ പത്തു മിനിറ്റു വരെ മൃദുവായി മസാജ് ചെയ്യാം. 30 മിനിറ്റിനു ശേഷം വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. ആഴ്ചയിൽ ഒന്നോ രണ്ടോ തവണ ഇങ്ങനെ ചെയ്യാവുന്നതാണ്

എള്ളെണ്ണയുടെ ഗുണങ്ങൾ

വിറ്റാമിൻ ഇ, ബി കോംപ്ലെക്സ്, മഗ്നീഷ്യം, കാൽസ്യം, ഫോസ്ഫറസ് എന്നിങ്ങനെ തലമുടിക്ക് കരുത്തും ആരോഗ്യവും പകരുന്ന ഘടകങ്ങളാണ് എള്ളിൽ അടങ്ങിയിരിക്കുന്നത്

ഫാറ്റി ആസിഡുകൾ ധാരാളം എള്ളെണ്ണയിൽ അടങ്ങിയിട്ടുണ്ട്. അവ തലയോട്ടിയിൽ ഒരു മോയ്സ്ചറൈസറായി പ്രവർത്തിക്കുന്നു. പ്രകൃതിദത്തമായ സൺസ്ക്രീനായി എള്ളെണ്ണ പ്രവർത്തിക്കും. ഇത് തലമുടിയിലും തലയോട്ടിയിലും ഉണ്ടാകുന്ന അമിതമായ വരൾച്ച, പൊട്ടൽ എന്നിവ തടയുന്നു

എള്ളെണ്ണ ഉപയോഗിക്കേണ്ട വിധം

എള്ളെണ്ണ ചെറുചൂടോടെ തലയോട്ടിയിൽ പുരട്ടി മൃദുവായി മസാജ് ചെയ്യാം. ഒരു മണിക്കൂറിനു ശേഷൺ വീര്യം കുറഞ്ഞ ഷാമ്പൂ ഉപയോഗിച്ച് കഴുകി കളയാം. എണ്ണ മയമുള്ള തലയോട്ടി ഉള്ളവർ മാസത്തിൽ ഒരു തവണ ഇങ്ങനെ ചെയ്താൽ മതിയാകും. അല്ലാത്ത പക്ഷം ആഴ്ചയിൽ ഒരിക്കൽ ഉപയോഗിക്കാവുന്നതാണ്