ഡാൽഗോണ കോഫി റെഡി 5 മിനിറ്റിൽ, സിംപിളാണ് റെസിപ്പി

കാപ്പി പ്രേമികളാണോ? എങ്കിലിനി ഫൈവ് സ്റ്റൈർ സ്റ്റൈലിലുള്ള ഡാൽഗോണ കോഫി പരീക്ഷിച്ചു നോക്കൂ

സോഷ്യൽ മീഡിയയിൽ ട്രെൻഡാണ് കൊറിയൻ ഡ്രിങ്കായ ഡാൽഗോണ കോഫി. ലോക്ഡൗൺ സമയത്ത് ക്വാറൻ്റീൻ കോഫി എന്നും ഇത് അറിയപ്പെട്ടിരുന്നു

ചേരുവകൾ

ഇൻസ്റ്റൻ്റ് കാപ്പിപ്പൊടി- 2 ടേബിൾസ്പൂൺ, പഞ്ചസാര- 2 ടേബിൾസ്പൂൺ, ചൂടുവെള്ളം- 2 ടേബിൾസ്പൂൺ, പാൽ- 1 കപ്പ്

ഒരു പാനിൽ ചൂടുവെള്ളമെടുക്കാം. അതിലേയ്ക്ക് കാപ്പിപ്പൊടിയും പഞ്ചസാരയും ചേർത്ത് നന്നായി ബീറ്റ് ചെയ്യാം. ബീറ്ററിലെങ്കിൽ സ്പൂൺ ഉപയോഗിച്ച് ഇളക്കി വിപ്പിങ് ക്രീമിൻ്റെ പരുവത്തിലാക്കാം

ആവശ്യത്തിന് പാൽ നന്നായി തിളപ്പിച്ചെടുക്കാം. അത് തണുപ്പിച്ചും അല്ലാതെയും ഉപയോഗിക്കാം

പാൽ ഒരു ഗ്ലാസിലേയ്ക്കു പകർന്ന് ആദ്യം തയ്യാറാക്കിയ കാപ്പിപ്പൊടി ക്രീം ചേർക്കാം

കുറച്ചധികം തണുപ്പ് വേണെങ്കിൽ ഇതിലേയ്ക്ക് ഐസ്ക്യൂബും ചേർക്കാം

ചിത്രങ്ങൾ: ഫ്രീപിക്