മുൾട്ടാണി മിട്ടി തലമുടിയിൽ ഉപയോഗിക്കുന്നതിൻ്റെ ഗുണങ്ങൾ അറിയാമോ?

തലമുടി പരിചരണത്തിന് വിപണിയിൽ ലഭ്യമായ കെമിക്കൽ ഉത്പന്നങ്ങളെക്കാളും പ്രകൃതിദത്തമായവ തിരഞ്ഞെടുക്കുന്നത് ഫലപ്രാപ്തി കൂട്ടുന്നു

സൗന്ദര്യ സംരക്ഷണത്തിന് ഏറെ നാളായി ഉപയോഗത്തിലിരിക്കുന്ന ഒന്നാണ് മുൾട്ടാണി മിട്ടി. ഇത് മുടിയഴകിനും ഫലപ്രദമാണ്

ശിരോചർമ്മത്തിൽ അടിഞ്ഞു കൂടുന്ന എണ്ണ മയം, പൊടി, മൃതകോശങ്ങൾ എന്നിവയെ ഇതുപയോഗിച്ച് നീക്കം ചെയ്യാം

റോസ് വാട്ടർ മുൾട്ടാണി മിട്ടി

ഒരു ടീസ്പൂൺ മുൾട്ടാണി മിട്ടിയിലേയ്ക്ക് അൽപം റോസ് വാട്ടർ ചേർത്തിളക്കി യോജിപ്പിക്കാം. ഇത് തലമുടിയിൽ പുരട്ടി ഉണങ്ങിയതിനു ശേഷം ഷാമ്പൂ ഉപയോഗിച്ച് കഴുകി കളയാം

നാരങ്ങ മുൾട്ടാണി മിട്ടി

ഒരു ടീസ്പൂൺ മുൾട്ടാണി മിട്ടിയിലേയ്ക്ക് രണ്ട് ടീസ്പൂൺ നാരങ്ങ നീര് ചേർത്തിളക്കി യോജിപ്പിക്കാം. ഈ മിശ്രിതം മുടിയിൽ പുരട്ടി 15 മിനിറ്റിനു ശേഷം ഇളം ചൂടുള്ള വെള്ളത്തിൽ കഴുകി കളയാം. ആഴ്ചയിൽ ഒരിക്കൽ മാത്രം ഈ പാക്ക് ഉപയോഗിക്കാം. തലമുടിക്ക് കരുത്ത് നൽകാൻ ഇത് ഫലപ്രദമാണ്

കറ്റാർവാഴ മുൾട്ടാണി മിട്ടി

ഒരു ടീസ്പൂൺ മുൾട്ടാണി മിട്ടിയിലേയ്ക്ക് അൽപം കറ്റാർവാഴ ജെൽ ചേർത്തിളക്കി യോജിപ്പിക്കാം. ഈ മിശ്രിതം തലമുടിയിൽ പുരട്ടാം. 10 മിനിറ്റ് വിശ്രമിക്കാം. നന്നായി ഉണങ്ങിയതിനു ശേഷം തണുത്ത വെള്ളത്തിൽ കഴുകി കളയാം

ഇക്കാര്യങ്ങൾ ശ്രദ്ധിക്കാം

ആഴ്ചയിൽ ഒന്നോ രണ്ടോ തവണ ഇത് ഉപയോഗിക്കാം. അമിത എണ്ണ മയമുള്ള തലമുടിക്ക് ഇത് ഗുണകരമാണ്. ഇത് മുടിയിഴകളെ ശക്തിപ്പെടുത്തുകയും കൊഴിച്ചിൽ തടയുകയും ചെയ്യും | ചിത്രം: ഫ്രീപിക്