Kerala Weather Report 2020 March 05 Trivandrum Kozhikode Kochi-മാർച്ച് ഏഴ് വരെ കേരളത്തിൽ ഒറ്റപ്പെട്ട മഴയ്ക്ക് സാധ്യത

Kerala Weather: മാർച്ച് ഏഴ് വരെ കേരളത്തിൽ ഒറ്റപ്പെട്ട മഴയ്ക്ക് സാധ്യത

Kerala Weather: ഇന്ന് സംസ്ഥാനത്ത് കനത്ത മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്

March 5, 2020 15:39 IST

Kerala Weather: മാർച്ച് ഏഴ് വരെ കേരളത്തിൽ ഒറ്റപ്പെട്ട മഴയ്ക്ക് സാധ്യത

Kerala Weather: തിരുവനന്തപുരം: കേരളത്തിൽ കനത്ത ചൂടിന് ആശ്വാസമായി മഴ. സംസ്ഥാനത്തിന്റെ വിവിധ ഭാഗങ്ങളിൽ ഒറ്റപ്പെട്ട മഴ ലഭിച്ചപ്പോൾ ലക്ഷദ്വീപിൽ വരണ്ട കാലാവസ്ഥയായിരുന്നു. കൊല്ലത്ത് അഞ്ച് സെന്റിമീറ്റർ മഴ രേഖപ്പെടുത്തിയപ്പോൾ തിരുവനന്തപുരം ജില്ലയിലെ നെടുമങ്ങാട് നാല് സെന്റിമീറ്ററും കോട്ടയം ജില്ലയിലെ കോഴയിൽ മൂന്ന് സെന്റിമീറ്ററും മഴ രേഖപ്പെടുത്തി. കൊച്ചി എപി, മങ്കൊമ്പ്, ചാലക്കുടി എന്നിവിടങ്ങളിൽ ഒരു സെന്റിമീറ്റർ മഴയാണ് ലഭിച്ചത്. അടുത്ത നാല് ദിവസവും കേരളത്തിൽ ഒറ്റപ്പെട്ട മഴയുണ്ടാകുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ റിപ്പോർട്ട്.

കഴിഞ്ഞ 24 മണിക്കൂറിൽ കേരളത്തിന്റെ ആകെ താപനിലയിൽ കാര്യമായ മാറ്റമില്ല. പാലക്കാട്, എറണാകുളം, കൊല്ലം, തിരുവനന്തപുരം ജില്ലകളിൽ സാധാരണ ഗതിയിൽ നിന്നും ഉയർന്ന താപനിലയാണ് രേഖപ്പെടുത്തിയത്. പാലക്കാടാണ് ഏറ്റവും ഉയർന്ന താപനില രേഖപ്പെടുത്തിയത്, 37 ഡിഗ്രി സെൽഷ്യസ്. കരിപ്പൂർ എയർപ്പോർട്ടിൽ സംസ്ഥാനത്തെ ഏറ്റവും കുറവ് താപനിലയും രേഖപ്പെടുത്തി, 25 ഡിഗ്രി സെൽഷ്യസ്.

മാർച്ച് എട്ട് വരെ കേരളത്തിൽ ഒറ്റപ്പെട്ട മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രത്തിന്റെ റിപ്പോർട്ടിൽ പറയുന്നത്. ഈ ദിവസങ്ങളിൽ കേരളത്തിൽ ഇടിയോടുകൂടിയ ഒറ്റപ്പെട്ട മഴ ലഭിക്കുമ്പോൾ ലക്ഷദ്വീപിൽ വരണ്ട കാലാവസ്ഥ തുടരും. മാർച്ച് 9ന് കേരളത്തിലും വരണ്ട കാലാവസ്ഥയായിരിക്കുമെന്ന് റിപ്പോർട്ടിൽ പറയുന്നു.