Kerala Weather: കേരളത്തിൽ നാളെ ഒറ്റപ്പെട്ട ഇടങ്ങളിൽ മഴ, ശനിയാഴ്ച വരണ്ട കാലാവസ്ഥ

Kerala Weather: ഡിസംബർ 29, 30 തീയതികളിലും കേരളത്തിൽ ഒന്നോ രണ്ടോ ഇടങ്ങളിൽ മഴ പെയ്യുമെന്നാണ് കാലാവസ്ഥ വകുപ്പ് പറയുന്നത്

Updated: December 26, 2019 16:52 IST

Kerala Weather: കേരളത്തിൽ നാളെ ഒറ്റപ്പെട്ട ഇടങ്ങളിൽ മഴ, ശനിയാഴ്ച വരണ്ട കാലാവസ്ഥ

Kerala Weather: തിരുവനന്തപുരം: ലക്ഷദ്വീപിൽ നിരവധി പ്രദേശങ്ങളിൽ മഴ ലഭിച്ചപ്പോൾ, കേരളത്തിൽ ഒന്നോ രണ്ടോ ഇടങ്ങളിൽ മാത്രമാണ് ഇന്നു മഴ പെയ്തത്. കോഴിക്കോട് വടകരയിൽ രണ്ടു സെന്റിമീറ്റർ മഴ ലഭിച്ചു. നാളെയും കേരളത്തിൽ ഒന്നോ രണ്ടോ ഇടങ്ങളിൽ ഇടിമിന്നലോടു കൂടിയ മഴ ലഭിച്ചേക്കുമെന്നാണ് കാലാവസ്ഥ വകുപ്പ് റിപ്പോർട്ട്. അതേസമയം, ഡിസംബർ 28 ശനിയാഴ്ച കേരളത്തിൽ വരണ്ട കാലാവസ്ഥയായിരിക്കും.

ഡിസംബർ 29, 30 തീയതികളിലും കേരളത്തിൽ ഒന്നോ രണ്ടോ ഇടങ്ങളിൽ മഴ പെയ്യുമെന്നാണ് കാലാവസ്ഥ വകുപ്പ് പറയുന്നത്. ഈ ദിവസങ്ങളിലൊന്നും കാലാവസ്ഥ മുന്നറിയിപ്പില്ല.

കണ്ണൂർ, ആലപ്പുഴ, എറണാകുളം, കോഴിക്കോട്, പാലക്കാട്, കൊല്ലം, തിരുവനന്തപുരം ജില്ലകളിൽ താപനില ഇന്നു സാധാരണയിൽനിന്നും ഉയർന്നതായിരുന്നു. ബാക്കിയെല്ലാ ജില്ലകളിലും സാധാരണ നിലയിലായിരുന്നു. ഇന്നു ഏറ്റവും കുറവ് ചൂട് രേഖപ്പെടുത്തിയത് വെളളാനിക്കരയിലാണ്, 22 ഡിഗ്രി സെൽഷ്യസ്.