Kerala Weather Report 2020 May 05 Trivandrum Kozhikode Kochi-കേരളത്തിൽ മഴ തുടരും, ഒപ്പം ശക്തമായ കാറ്റും ഇടിമിന്നലും

Kerala Weather: കേരളത്തിൽ മഴ തുടരും, ഒപ്പം ശക്തമായ കാറ്റും ഇടിമിന്നലും

Kerala Weather: ഇന്നു കേരളത്തിലെ മുഴുവൻ ജില്ലകളിലെയും ചിലയിടങ്ങളിൽ നേരിയ മഴ ലഭിച്ചേക്കും. നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ ജില്ലകളിൽ നേരിയ മഴ ലഭിച്ചേക്കും

Kerala Weather: തിരുവനന്തപുരം: കേരളത്തിൽ ഒറ്റപ്പെട്ട ഇടങ്ങളിൽ മഴ ലഭിച്ചു. കോന്നി (പത്തനംതിട്ട), കായംകുളം (ആലപ്പുഴ), കാഞ്ഞിരപ്പളളി (കോട്ടയം), വടകര (കോഴിക്കോട്) എന്നിവിടങ്ങളിൽ ഇന്നു മഴ ലഭിച്ചു. വരും ദിവസങ്ങളിലും കേരളത്തിൽ മഴ തുടരും. മേയ് 9 വരെ കേരളത്തിലെ ചിലയിടങ്ങളിൽ മഴ ലഭിക്കുമെന്നാണ് കാലാവസ്ഥ വകുപ്പ് റിപ്പോർട്ട്. ഈ ദിവസങ്ങളിലെല്ലാം ഇടിമിന്നലോടു കൂടിയ മഴയും ശക്തമായ കാറ്റും വീശിയടിച്ചേക്കുമെന്ന് മുന്നറിയിപ്പുണ്ട്. മണിക്കൂറിൽ 30-40 കിലോമീറ്റർ വേഗതയിൽ വരെ കാറ്റ് വീശിയേക്കും.

ഇന്നു കേരളത്തിലെ മുഴുവൻ ജില്ലകളിലെയും ചിലയിടങ്ങളിൽ നേരിയ മഴ ലഭിച്ചേക്കും. നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ ജില്ലകളിൽ നേരിയ മഴ ലഭിച്ചേക്കും.

മഴ തുടരുന്നുണ്ടെങ്കിലും കേരളത്തിലെ താപനിലയിൽ വലിയ മാറ്റമില്ല. ആലപ്പുഴ, കോട്ടയം, കോഴിക്കോട്, പാലക്കാട്, തിരുവനന്തപുരം ജില്ലകളിൽ താപനില സാധാരണയിൽനിന്നും ഉയർന്നനിലയിലായിരുന്നു. ഇന്നു പാലക്കാടാണ് ഏറ്റവും കൂടുതൽ ചൂട് രേഖപ്പെടുത്തിയത്, 38 ഡിഗ്രി സെൽഷ്യസ്.