Kerala weather meteorological department report on 2019 September 2 Thiruvananthapuram and kochi-Kerala Weather:സെപ്റ്റംബർ ആറ് വരെ ഇടിയോടുകൂടിയ മഴയ്ക്ക് സാധ്യത

Kerala Weather: സെപ്റ്റംബർ ആറ് വരെ ഇടിയോടു കൂടിയ മഴയ്ക്ക് സാധ്യത; എട്ട് ജില്ലകളിൽ നാളെ യെല്ലോ അലർട്ട്

Kerala Weather: അടുത്ത അഞ്ച് ദിവസം കൂടി സംസ്ഥാനത്ത് ശക്തമായ മഴ തുടരുമെന്നാണ് കാലാവസ്ഥാ റിപ്പോർട്ട്

Written by WebDesk

Updated: September 8, 2019 08:49 IST

Kerala Weather: തെക്ക് പടിഞ്ഞാറൻ കാലവർഷം സംസ്ഥാനത്ത് സജീവമായി തുടരുന്നു. കേരളത്തിലും ലക്ഷദ്വീപിലും പലയിടങ്ങളിൽ ശക്തമായ മഴ ലഭിച്ചു. പാലക്കാട് ജില്ലയിലെ ഒറ്റപ്പാലത്ത് എട്ട് സെന്റിമീറ്റർ മഴ ലഭിച്ചു. ഇടുക്കി ജില്ലയിലെ പീരുമേട്, തൃശൂർ ജില്ലയിലെ വടക്കാഞ്ചേരി, പാലക്കാട് ജില്ലയിലെ തൃത്താല, മലപ്പുറം ജില്ലയിലെ പെരിന്തൽമണ്ണ കോഴിക്കോട് ജില്ലയിലെ വടകര, വയനാട് ജില്ലയിലെ വൈത്തിരി കാസർഗോഡ് ജില്ലയിലെ ഹോസ്ദുർദ് എന്നിവിടങ്ങളിൽ ഏഴ് സെന്റിമീറ്ററും മഴ ലഭിച്ചു.

അടുത്ത അഞ്ച് ദിവസം കൂടി സംസ്ഥാനത്ത് ശക്തമായ മഴ തുടരുമെന്നാണ് കാലാവസ്ഥാ റിപ്പോർട്ട്. സെപ്റ്റംബർ രണ്ട് മുതൽ ആറ് വരെ സംസ്ഥാനത്തും ലക്ഷദ്വീപിലും ഇടിയോടുകൂടിയ മഴയ്ക്ക് സാധ്യതയുണ്ടെന്ന് റിപ്പോർട്ടിൽ പറയുന്നു. ശക്തമായ മഴയ്ക്ക് മുന്നറിയിപ്പും നൽകിയിട്ടുണ്ട്. ഈ ദിവസങ്ങളിൽ ഏഴ് മുതൽ 11 സെന്റിമീറ്റർ മഴ ലഭിച്ചേക്കും.

തെക്കുപടിഞ്ഞാറൻ ദിശയിൽ നിന്ന് 45-55 കിലോമീറ്റർ വേഗതയിൽ ശക്തമായ കാറ്റ് വീശിയേക്കും. തെക്ക് പടിഞ്ഞാറൻ അറേബ്യൻ കടലിൽ 4.0 മീറ്റർ ഉയരത്തിൽ ഉയർന്ന തിരമാലകളുണ്ടാകും. തെക്ക്-കിഴക്ക് ദിശയിൽ നിന്ന് 45-55 കിലോമീറ്റർ വേഗതയിൽ തെക്ക്-കിഴക്ക്, മധ്യ ബംഗാൾ ഉൾക്കടലിൽ കാറ്റ് വീശാൻ സാധ്യതയുണ്ട്. മത്സ്യത്തൊഴിലാളികൾ ഈ ഭാഗങ്ങളിൽ മത്സ്യബന്ധനത്തിന് പോകരുത്.

Follow Kerala Weather Updates Here