Kerala weather meteorological department report on 2019 may 07 Thiruvananthapuram and kochi-ചൂടിന് കുറവുണ്ടാകില്ല, കേരളത്തിൽ ചിലയിടങ്ങളിൽ മഴയ്ക്ക് സാധ്യത

Kerala Weather: ചൂടിന് കുറവുണ്ടാകില്ല, കേരളത്തിൽ ചിലയിടങ്ങളിൽ മഴയ്ക്ക് സാധ്യത

Kerala Weather: ചൂടിന് കുറവുണ്ടാകില്ല. ആലപ്പുഴ, പാലക്കാട്, കണ്ണൂർ, കോട്ടയം, കോഴിക്കോട് ജില്ലകളിൽ ചൂട് കൂടുതലായിരിക്കും

Written by WebDesk

Updated: May 8, 2019 15:15 IST

Kerala weather, കാലാവസ്ഥ, Kerala weather report, may 25 weather, കേരളത്തിലെ കാലാവസ്ഥ, weather thiruvananthapuram, കാലാവസ്ഥ തിരുവനന്തപുരം, weather kochi, കാലാവസ്ഥ കൊച്ചി, weather palakkad, കാലാവസ്ഥ പാലക്കാട്, weather kozhikode, കാലാവസ്ഥ കോഴിക്കോട്, weather thrissur, കാലാവസ്ഥ തൃശൂർ, ie malayalam, ഐഇ മലയാളം

Kerala Weather: തിരുവനന്തപുരം: കേരളത്തിലെ ചില ഇടങ്ങളിൽ ഇന്നു മഴയ്ക്ക് സാധ്യത. ലക്ഷദ്വീപിൽ വരണ്ട കാലാവസ്ഥ തുടരും. ഇടുക്കിയിലെ മൂന്നാറിൽ 3 സെന്റിമീറ്ററും മലപ്പുറം ജില്ലയിലെ കരിപ്പൂരിൽ ഒരു സെന്റിമീറ്ററും മഴ ലഭിച്ചേക്കുമെന്നാണ് കാലാവസ്ഥ നീരീക്ഷണ കേന്ദ്രത്തിന്റെ റിപ്പോർട്ടിൽ പറയുന്നത്.

അതേസമയം, ചൂടിന് കുറവുണ്ടാകില്ല. ആലപ്പുഴ, പാലക്കാട്, കണ്ണൂർ, കോട്ടയം, കോഴിക്കോട് ജില്ലകളിൽ ചൂട് കൂടുതലായിരിക്കും. കേരളത്തിലെ മറ്റു ജില്ലകളിൽ ചൂട് സാധാരണ നിലയിലായിരിക്കും. ഇന്നു പാലക്കാടാണ് ഏറ്റവും കൂടുതൽ ചൂട് രേഖപ്പെടുത്തിയത്, 39 ഡിഗ്രി സെൽഷ്യസ്. ഇന്നലെയും പാലക്കാടിലാണ് ഏറ്റവും കൂടുതൽ ചൂട് രേഖപ്പെടുത്തിയത്, 37 ഡിഗ്രി സെൽഷ്യസ്.

മേയ് 7 മുതൽ 11 വരെയുളള 5 ദിവസങ്ങളിൽ കേരളത്തിലെ ചിലയിടങ്ങളിൽ ഇടിമിന്നലോടുകൂടിയ മഴയ്ക്ക് സാധ്യതയുണ്ട്. അതേസമയം, ലക്ഷദ്വീപിൽ മേയ് 7, 8, 9 തീയതികളിൽ വരണ്ട കാലാവസ്ഥയായിരിക്കും. മേയ് 10, 11 തീയതികളിൽ ലക്ഷദ്വീപിന്റെ ചിലയിടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ട്. ഈ ദിവസങ്ങളിൽ കാലാവസ്ഥ മുന്നറിയിപ്പൊന്നും ഇല്ല.

മേയ് 9-ാം തീയതി തിരുവനന്തപുരം നഗരത്തിലും സമീപ പ്രദേശങ്ങളിലും ഭാഗികമായ മേഘാവൃതമായ ആകാശമായിരിക്കും. ഈ ദിവസത്തെ ഏറ്റവും കൂടുതൽ താപനില 35 ഡിഗ്രി സെൽഷ്യസ് ആയിരിക്കും.

തമിഴ്നാട്, പുതുച്ചേരി തീരങ്ങളിൽ ശക്തമായ കാറ്റിന് സാധ്യതയുണ്ട്. മണിക്കൂറിൽ 35-45 കിലോമീറ്റർ വേഗതയിൽ കാറ്റ് വീശിയടിക്കാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം പറയുന്നു. കടലിൽ പോകുന്ന മത്സ്യത്തൊഴിലാളികൾ ജാഗ്രത പുലർത്തണം.