Kerala weather meteorological department report on may 06 Thiruvananthapuram and kochi- കേരളത്തിൽ ഇന്ന് വരണ്ട കാലാവസ്ഥ, ഏറ്റവും കൂടുതൽ ചൂട് രേഖപ്പെടുത്തിയത് പാലക്കാട്

Kerala Weather: കേരളത്തിൽ ഇന്ന് വരണ്ട കാലാവസ്ഥ, ഏറ്റവും കൂടുതൽ ചൂട് രേഖപ്പെടുത്തിയത് പാലക്കാട്

Kerala Weather: ആലപ്പുഴ, കോട്ടയം, കോഴിക്കോട്, പാലക്കാട് ജില്ലകളിൽ ചൂട് കൂടുതലായിരിക്കും

Written by WebDesk

May 6, 2019 16:17 IST

Kerala Weather: തിരുവനന്തപുരം: കേരളത്തിലും ലക്ഷദ്വീപിലും ഇന്നു വരണ്ട കാലാവസ്ഥ തുടരും. കേരളത്തിൽ വേനൽ ചൂടിന് കുറവുണ്ടാകില്ല. ആലപ്പുഴ, കോട്ടയം, കോഴിക്കോട്, പാലക്കാട് ജില്ലകളിൽ ചൂട് കൂടുതലായിരിക്കും. മറ്റു ജില്ലകളിൽ ചൂട് സാധാരണ നിലയിലായിരിക്കുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ റിപ്പോർട്ട്. പാലക്കാടിലാണ് ഏറ്റവും കൂടുതൽ ചൂട് രേഖപ്പെടുത്തിയത്, 37 ഡിഗ്രി സെൽഷ്യസ്.

ഇന്നു കേരളത്തിലെ ഒന്നോ രണ്ടോ ഇടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ട്. മേയ് 7 മുതൽ 10-ാം തീയതിവരെ കേരളത്തിലെ ഒന്നോ രണ്ടോ ഇടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ട്. അതേസമയം, മേയ് 7, 8, 9 തീയതികളിൽ ലക്ഷദ്വീപിൽ വരണ്ട കാലാവസ്ഥയായിരിക്കും. മേയ് 10-ാം തീയതി ലക്ഷദ്വീപിന്റെ ഒന്നോ രണ്ടോ ഇടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ട്.

മേയ് 8-ാം തീയതി തിരുവനന്തപുരം നഗരത്തിലും സമീപ പ്രദേശങ്ങളിലും ഭാഗികമായ മേഘാവൃതമായ ആകാശമായിരിക്കും. ഈ ദിവസത്തെ ഏറ്റവും കൂടുതൽ താപനില 35 ഡിഗ്രി സെൽഷ്യസ് ആയിരിക്കും.

മേയ് 6 മുതൽ 10 വരെയുളള തീയതികളിൽ കാലാവസ്ഥ മുന്നറിയിപ്പൊന്നും ഇല്ല. അതേസമയം, തമിഴ്നാട്, പുതുച്ചേരി തീരങ്ങളിൽ ശക്തമായ കാറ്റിന് സാധ്യതയുണ്ട്. മണിക്കൂറിൽ 35-45 കിലോമീറ്റർ വേഗതയിൽ കാറ്റ് വീശിയടിക്കാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം പറയുന്നു. കടലിൽ പോകുന്ന മത്സ്യത്തൊഴിലാളികൾ ജാഗ്രത പുലർത്തണം.