Kerala weather meteorological department report on 2019 June 1 Thiruvananthapuram and kochi-കേരളത്തിൽ ചിലയിടങ്ങളിൽ മഴയ്ക്ക് സാധ്യത

Kerala Weather: കേരളത്തിൽ ചിലയിടങ്ങളിൽ മഴയ്ക്ക് സാധ്യത

ജൂൺ 1 മുതൽ 5 വരെയുളള ദിവസങ്ങളിൽ കേരളത്തിലും ലക്ഷദ്വീപിലും ഒറ്റപ്പെട്ട ഇടങ്ങളിൽ ഇടിമിന്നലോടുകൂടിയ മഴയ്ക്ക് സാധ്യത

Written by WebDesk

Updated: June 1, 2019 16:56 IST

Kerala Weather: കേരളത്തിൽ ചിലയിടങ്ങളിൽ മഴയ്ക്ക് സാധ്യത

Kerala Weather: തിരുവനന്തപുരം: കേരളത്തിലും ലക്ഷദ്വീപിലും ചിലയിടങ്ങളിൽ മഴക്ക് സാധ്യത. തൊടുപുഴ (ഇടുക്കി ജില്ല)യിൽ 9 സെന്റിമീറ്റർ മഴയ്ക്ക് സാധ്യത. ആലപ്പുഴ, മഞ്ചേരി (മലപ്പുറം), ഇരിക്കൂർ (കണ്ണൂർ) എന്നിവിടങ്ങളിൽ 3 സെന്റിമീറ്റർ വീതവും കോട്ടയം, തൃത്താല (പാലക്കാട്), പെരിന്തൽമണ്ണ, പൊന്നാനി (മലപ്പുറം), വടകര എന്നിവിടങ്ങളിൽ 2 സെന്റിമീറ്റർ വീതവും കരിപ്പൂർ, നിലമ്പൂർ (മലപ്പുറം), തലശ്ശേരി, ലക്ഷദ്വീപിലെ മിനിക്കോയ്, മാങ്കൊമ്പ് (ആലപ്പുഴ), കൊയിലാണ്ടി, ഹോസ്‌ദുർഗ്, കുഡുലു (കാസർഗോഡ്) എന്നിവിടങ്ങളിൽ ഒരു സെന്റിമീറ്റർ വീതവും മഴ ലഭിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ റിപ്പോർട്ട്. ആലപ്പുഴ ജില്ലയിലാണ് ഏറ്റവും കൂടുതൽ താപനില രേഖപ്പെടുത്തിയിട്ടുള്ളത്. കഴിഞ്ഞ 24 മണിക്കൂറിനുള്ളിൽ കേരളത്തിൽ മറ്റെവിടെയും കാലാവസ്ഥയിൽ വലിയ മാറ്റമൊന്നുമുണ്ടാവില്ല. 37 ഡിഗ്രി സെൽഷ്യസ് ആണ് കണ്ണൂരിലെ കൂടിയ താപനില.

ജൂൺ 1 മുതൽ 5 വരെയുളള ദിവസങ്ങളിൽ കേരളത്തിലും ലക്ഷദ്വീപിലും ഒറ്റപ്പെട്ട ഇടങ്ങളിൽ ഇടിമിന്നലോടുകൂടിയ മഴയ്ക്ക് സാധ്യതയുണ്ട്. ജൂൺ 3,4,5 തിയ്യതികളിൽ കേരളത്തിൽ ശക്തമായ മഴ പെയ്യുമെന്നാണ് കാലാവസ്ഥാ മുന്നറിയിപ്പ്. ജൂൺ അഞ്ചിന് ലക്ഷദ്വീപിലും കനത്ത മഴയ്ക്ക് സാധ്യതയുണ്ട്. ചില ഇടങ്ങളിൽ 7 മുതൽ 11 സെന്റിമീറ്റർവരെ മഴ ലഭിച്ചേക്കും.