Kerala Weather: ജനുവരി 30, 31 തീയതികളിൽ സംസ്ഥാനത്ത് ഒറ്റപ്പെട്ട മഴയ്ക്ക് സാധ്യത

ജനുവരി 30, 31 തീയതികളിൽ കേരളത്തിലും ലക്ഷദ്വീപിലും ഒന്ന് രണ്ട് സ്ഥലങ്ങളിൽ ഒറ്റപ്പെട്ട മഴയ്ക്ക് സാധ്യതയുണ്ട്

Kerala Weather: തിരുവനന്തപുരം: വടക്കു കിഴക്കൻ മൺസൂൺ സംസ്ഥാനത്ത് ദുർബലമായിരുന്നു. കഴിഞ്ഞ 24 മണിക്കൂറിൽ സംസ്ഥാനത്ത് എവിടെയും മഴ ലഭിച്ചില്ല. ജനുവരി 30, 31 തീയതികളിൽ കേരളത്തിലും ലക്ഷദ്വീപിലും ഒന്ന് രണ്ട് സ്ഥലങ്ങളിൽ ഒറ്റപ്പെട്ട മഴയ്ക്ക് സാധ്യതയുണ്ട്.

കൊല്ലം, തൃശൂർ ജില്ലകളിൽ കുറഞ്ഞ താപനില ഗണ്യമായി കുറഞ്ഞു, കേരളത്തിൽ മറ്റൊരിടത്തും വലിയ മാറ്റമില്ല. കൊല്ലം ജില്ലയിൽ താപനില സാധാരണയിൽനിന്നും താഴ്ന്ന നിലയിലും കണ്ണൂർ ജില്ലയിൽ സാധാരണയിൽനിന്നും ഉയർന്ന നിലയിലുമായിരുന്നു. ഇന്ന് തൃശൂർ ജില്ലയിലെ വെള്ളനിക്കരയിലാണ് ഏറ്റവും കുറവ് ചൂട് രേഖപ്പെടുത്തിയത്, 19 ഡിഗ്രി സെൽഷ്യസ്. കേരളത്തിൽ ജനുവരി 28 വരെ വരണ്ട കാലാവസ്ഥ തുടരുമെന്നാണ് റിപ്പോർട്ട്.