മെക്സിക്കൻ വെഡ്ഡിങ് പരേഡ് ഷോയിൽ താരമായി തെരുവു നായ

മെക്സിക്കോയിലെ ഒയസ്ക സിറ്റിയിൽ നടന്ന വെഡ്ഡിങ് പരേഡ് ഷോയിൽ ഏവരുടെയും ശ്രദ്ധാകേന്ദ്രമായത് ഒരു തെരുവു നായയാണ്. പരേഡിൽ പങ്കെടുത്തവർക്കൊപ്പം നൃത്തം ചെയ്താണ് തെരുവു നായ താരമായത്. തെരുവിലൂടെ വരികയായിരുന്ന വെഡ്ഡിങ് പരേഡിന് ഇടയിലേക്കാണ് പെട്ടെന്ന് തെരുവു നായ കടന്നെത്തുകയും തുളളിച്ചാടുകയും ചെയ്തത്.

മെക്സിക്കൻ പ്രാദേശിക ന്യൂസ് റിപ്പോർട്ട് പ്രകാരം സിറ്റിയിൽ നടക്കുന്ന പരിപാടികളിൽ സ്ഥിരം സാന്നിധ്യമാണ് ഈ നായ. ലാറ്റിൻ അമേരിക്കൻ രാജ്യങ്ങളിൽ ഏറ്റവും കൂടുതകൾ തെരുവു നായകൾ ഉളളത് മെക്സിക്കോയിലെന്നാണ് കരുതപ്പെടുന്നത്.