ഒരു സിനിമാക്കാരനിലെ ആദ്യ ഗാനം എത്തി

വിനീത് ശ്രീനിവാസൻ നായകനായി എത്തുന്ന ഒരു സിനിമക്കാരൻ എന്ന ചിത്രത്തിലെ ആദ്യ ഗാനം പുറത്ത് വന്നു. ഒഴുകി ഒഴുകി എന്ന് തുടങ്ങുന്ന ഗാനമാണ് അണിയറ പ്രവർത്തകർ പുറത്ത് വിട്ടത്. ശ്വേത മോഹനും ഹരിചരണുമാണ് ഗാനം ഈ ഗാനം ആലപിച്ചിരിക്കുന്നത്. റഫീഖ് അഹമ്മദിന്റെ വരികൾക്ക് ബിജിപാലാണ് ഈണം ഇട്ടിരിക്കുന്നത്.

ലിയോ തദേവൂസ് സംവിധാനം നിർവഹിക്കുന്ന 'ഒരു സിനിമാക്കാരൻ' എന്ന ചിത്രത്തിൽ വിനീത് ശ്രീനിവാസനും രജീഷ വിജയനുമാണ് മുഖ്യ കഥാപാത്രങ്ങളെ അവതരിപ്പിക്കുന്നത്. വിജയ് ബാബു, അനുശ്രീ, രഞ്ജി പണിക്കർ, ഗ്രിഗറി എന്നിവരും അഭിനയിക്കുന്നുണ്ട്. ഛായാഗ്രഹണം സുധീർ സുരേന്ദ്രനും ചിത്രസംയോജനം രഞ്ജൻ എബ്രഹാമുമാണ്. ഒപ്പസ് പെന്റായുടെ ബാനറിൽ തോമസ് പണിക്കരാണ് ചിത്രം നിർമിച്ചിട്ടുള്ളത്. മ്യൂസിക് 247നാണ് ഒഫീഷ്യൽ മ്യൂസിക് പാർട്ണർ.