വിശാലിന്റെ ആക്ഷൻ ട്രെയിലർ

പേരുപോലെ നിറയെ ആക്ഷൻ രംഗങ്ങളാണ് വിശാൽ നായകനാവുന്ന ആക്ഷൻ സിനിമയുടെ ട്രെയിലറിലുമുളളത്. ഇന്ത്യൻ സേന ഉദ്യോഗസ്ഥനായാണ് വിശാൽ ചിത്രത്തിൽ വേഷമിടുന്നത്. ചിത്രത്തിലെ സാഹസികമായ സംഘട്ടന രംഗങ്ങൾ സ്റ്റണ്ട് കൊറിയോഗ്രാഫർ അൻബറിവാണ് ഒരുക്കിയത്.

സംവിധായകൻ സുന്ദർ സിയാണ് ആക്ഷൻ സിനിമയുടെ സംവിധായകൻ. തമന്ന, ഐശ്വര്യ ലക്ഷ്മി എന്നിവരാണ് ചിത്രത്തിലെ നായികമാർ. മലയാളി താരം ഐശ്വര്യയുടെ തമിഴിലെ അരങ്ങേറ്റ ചിത്രമാണിത്. യോഗി ബാബുവും ചിത്രത്തിൽ പ്രധാന വേഷത്തിലുണ്ട്. ഹിപ് ഹോപ് തമിഴനാണ് ആക്ഷൻ സിനിമയ്ക്ക് സംഗീതം നൽകിയിരിക്കുന്നത്. നവംബറിൽ ചിത്രം റിലീസ് ചെയ്യും.