സൂപ്പർ ഡീലക്‌സ് ഡിങ് ഡോങ് പ്രൊമോ വീഡിയോ

വിജയ് സേതുപതി ട്രാൻസ്ജെൻഡറായി എത്തുന്ന സൂപ്പർ ഡീലക്സ് ചിത്രത്തിനായി കാത്തിരിക്കുകയാണ് പ്രേക്ഷകർ. ചിത്രത്തിന്റ ട്രെയിലർ ആരാധകർക്കിടയിൽ തരംഗമായിരുന്നു. ചിത്രത്തിന്റെ പ്രൊമോ വീഡിയോ ഇപ്പോൾ പുറത്തുവിട്ടിരിക്കുകയാണ് അണിയറ പ്രവർത്തകർ.

ശില്‍പ്പ എന്ന ട്രാന്‍സ് വുമണിനെയാണ് സേതുപതി ചിത്രത്തിൽ അവതരിപ്പിക്കുന്നത്. വിജയ് സേതുപതിയും ഫഹദ് ഫാസിലും ഒരുമിക്കുന്ന ചിത്രത്തിൽ രമ്യാ കൃഷ്ണനും സാമന്തയുമാണ് മറ്റു രണ്ടു ശക്തമായ കഥാപാത്രങ്ങളെ അവതരിപ്പിക്കുന്നത്.

ത്യാഗരാജന്‍ കാമരാജന്‍ ആണ് ചിത്രം സംവിധാനം ചെയ്യുന്നത്. ചിത്രത്തില്‍ സംവിധായകന്‍ മിഷ്‌കിനും ഒരു പ്രധാന വേഷത്തിലെത്തുന്നുണ്ട്. യുവന്‍ ശങ്കര്‍ രാജയാണ് ചിത്രത്തിന്റെ സംഗീത സംവിധാനം നിര്‍വ്വഹിക്കുന്നത്.