കടയ്ക്കൽ ചന്ദ്രൻ മമ്മൂട്ടിയുടെ കയ്യിൽ ഭദ്രം, വണ്ണിന്റെ ടീസർ ഏറ്റെടുത്ത് ആരാധകർ

കേരള മുഖ്യമന്ത്രിയായി മമ്മൂട്ടി വേഷമിടുന്ന 'വൺ' സിനിമയുടെ ടീസറിന് ആരാധകരുടെ വൻവരവേൽപ്. യൂട്യൂബിൽ റിലീസ് ചെയ്ത ടീസർ ഇതിനോടകം നാലു ലക്ഷത്തിലധികം പേർ കണ്ടു കഴിഞ്ഞു. 'കടയ്ക്കൽ ചന്ദ്രൻ' എന്ന കഥാപാത്രം മമ്മൂട്ടിയുടെ കയ്യിൽ ഭദ്രമാകുമെന്നും ചിത്രത്തിനായി കാത്തിരിക്കുകയാണെന്നും വീഡിയോയ്ക്ക് താഴെ കമന്റുകളുണ്ട്.

'ചിറകൊടിഞ്ഞ കിനാവുകൾ'ക്കുശേഷം സന്തോഷ് വിശ്വനാഥ് സംവിധാനം ചെയ്യുന്ന ചിത്രമാണ് 'വൺ'. ബോബി-സഞ്ജയ് ആണ് ചിത്രത്തിന്റെ തിരക്കഥ. ഇച്ചായിസ് പ്രൊഡക്ഷന്‍സി​​ന്റെ ബാനറില്‍ ശ്രീലക്ഷ്മി.ആര്‍ ആണ് ചിത്രം നിര്‍മ്മിക്കുന്നത്. ജോജു ജോർജ്,സംവിധായകൻ രഞ്ജിത്, സലിം കുമാർ, മുരളി ഗോപി, ബാലചന്ദ്ര മേനോൻ, ശങ്കർ രാമകൃഷ്ണൻ, മാമുക്കോയ, ശ്യാമ പ്രസാദ്, രമ്യ, അലൻസിയർ, സുരേഷ് കൃഷ്ണ, മാത്യു തോമസ്, ജയകൃഷ്ണൻ, മേഘനാഥൻ തുടങ്ങിയ നിരവധി പേർ ചിത്രത്തിൽ അണിനിരക്കുന്നുണ്ട്.