ഭല്ലാലദേവയെ വിട്ടു, ഇനി ജോഗേന്ദ്ര; റാണ ദഗ്ഗുബട്ടിയുടെ 'നേനേ രാജു നേനേ മന്ത്രി' ട്രെയിലർ

റാണ ദഗുബട്ടി നായകനായെത്തുന്ന 'നേനേ രാജു നേനേ മന്ത്രി'യുടെ ട്രെയിലർ പുറത്തിറങ്ങി. ബാഹുബലി 2 വിന്റെ വൻ വിജയത്തിനുപിന്നാലെയാണ് പുതിയ ചിത്രവുമായി റാണയെത്തുന്നത്. തേജയാണ് നേനേ രാജു നേനേ മന്ത്രി സംവിധാനം ചെയ്യുന്നത്. കാജൽ അഗർവാളാണ് ചിത്രത്തിൽ നായികയായെത്തുന്നത്.

തേജയും റാണയും ആദ്യമായി ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്. കാതറീൻ തെരേസ, നവദീപ് എന്നിവരാണ് ചിത്രത്തിലെ മറ്റു താരങ്ങൾ. ഡി.സുരേഷ് ബാബുവാണ് ചിത്രത്തിന്റെ നിർമ്മാതാവ്.