അന്ധയായ പെൺകുട്ടിയായി നയൻതാര; നെട്രികൺ ട്രെയിലർ

നയൻതാര പ്രധാന കഥാപാത്രത്തെ അവതരിപ്പിക്കുന്ന ത്രില്ലർ സിനിമയാണ് നെട്രികൺ. ചിത്രത്തിന്റെ ട്രെയിലർ പുറത്തിറങ്ങി. മലയാളി താരം അജ്മല്‍ അമീർ ആണ് ചിത്രത്തിൽ വില്ലൻ വേഷത്തിലെത്തുന്നത്. റൗഡി പിക്‌ച്ചേഴ്സിന്റെ ബാനറിൽ വിഘ്നേഷ് ശിവൻ ആണ് ചിത്രം നിർമിക്കുന്നത്.

മണിരത്നത്തിന്റെ അസിസ്റ്റന്റ് ആയിരുന്ന മിലിന്ദ് റാവു ആണ് ചിത്രം സംവിധാനം ചെയ്യുന്നത്. കൊറിയൻ ത്രില്ലർ ചിത്രമായ ‘ബ്ലൈന്റി’ന്റെ ഔദ്യോഗിക റീമേക്ക് ആണ് ചിത്രമെന്നും റിപ്പോർട്ടുകളുണ്ട്. ഒരു റോഡ് അപകടത്തിൽ കാഴ്ചയ്ക്ക് തകരാർ സംഭവിച്ച ഒരു പൊലീസുകാരി ഒരു കൊലപാതകത്തിനു പിന്നിലെ പ്രതിയെ കണ്ടുപിടിക്കാൻ ഡിറ്റക്ടീവിനെ സഹായിക്കുന്നതാണ് ‘ബ്ലൈന്റി’ന്റെ ഇതിവൃത്തം. ശിവന്റെ മൂന്നാംകണ്ണ് എന്നാണ് ‘നെട്രികൺ’എന്ന തമിഴ് വാക്കിനർത്ഥം.