വൈറലായി ലക്ഷ്‌മിയിലെ 'മൊറാക്ക'

ഡാൻസ് മാസ്റ്ററായി പ്രഭുദേവ മുഖ്യവേഷത്തിലെത്തുന്ന ചിത്രമാണ് 'ലക്ഷ്‌മി'. ദിത്യ ഭാണ്ഡ്യയെയാണ് ചിത്രത്തിൽ മറ്റൊരു പ്രധാന വേഷത്തിലെത്തുന്നത്. ഒരു കൊച്ചു പെൺകുട്ടി ഡാൻസറാവുക എന്ന തന്റെ സ്വപ്‌നത്തിനുവേണ്ടി പ്രയത്‌നിക്കുന്നതിനാണ് ചിത്രത്തിന്റെ കഥയെന്നാണ് വിവരം.

ഡാൻസ് റിയാലിറ്റി ടിവി ഷോ വിജയിയായ ദിത്യ ഭാണ്ഡ്യയാണ് ഡാൻസ് മോഹവുമായി നടക്കുന്ന കൊച്ചു പെൺകുട്ടിയുടെ വേഷം ചെയ്യുന്നത്. ദിത്യയുടെ ഡാൻസ് മാസ്റ്റർ ആയാണ് പ്രഭുദേവ സിനിമയിലെത്തുന്നത്. ദിത്യയുടെ അമ്മ വേഷത്തിൽ ഐശ്വര്യ ലക്ഷ്‌മിയും ചിത്രത്തിലുണ്ട്.

എ.എൽ.വിജയ് ആണ് ചിത്രത്തിന്റെ സംവിധായകൻ. അടുത്തിടെ ചിത്രത്തിലെ 'മൊറാക്ക' എന്ന ഗാനത്തിന്റെ വീഡിയോ റിലീസ് ചെയ്‌തിരുന്നു. വീഡിയോ ഇതിനോടകം തന്നെ വൈറലായിട്ടുണ്ട്. ഉത്തര ഉണ്ണിക്കൃഷ്‌ണനാണ് ഗാനം പാടിയിരിക്കുന്നത്. മദൻ കർക്കിയുടെ വരികൾക്ക് സംഗീതം പകർന്നിരിക്കുന്നത് സാം സി.എസ് ആണ്.