വിമാനം ഹൈവേയിൽ ഇടിച്ചിറങ്ങി, ഞെട്ടിപ്പിക്കുന്ന ദൃശ്യം

ഇറ്റലിയിലെ ബ്രക്സിയയിൽ ചെറുവിമാനം ഹൈവേയിലേക്ക് ഇടിച്ചിറങ്ങി രണ്ടുപേർ മരിച്ചു. വിമാനത്തിലുണ്ടായിരുന്ന പൈലറ്റ് സെര്‍ജിയോ റവഗ്​ലിയ(75), പങ്കാളി ആന്‍ മരിയ (60)യു എന്നിവരാണ് കൊല്ലപ്പെട്ടത്. സാങ്കേതിക തകരാറിനെ തുടർന്നാണ് വിമാനം നിലംപതിച്ചത്. വിമാനം ഹൈവേയിലേക്ക് വീണ ഉടൻതന്നെ കത്തിയമരുകയായിരുന്നു. തകരാര്‍ മനസിലാക്കിയതിനെ തുടര്‍ന്ന് എമര്‍ജന്‍സി ലാന്‍ഡിങിന് പൈലറ്റ് ശ്രമിച്ചുവെങ്കിലും നിയന്ത്രണം നഷ്ടപ്പെട്ട് താഴെ പതിക്കുകയായിരുന്നുവെന്നാണ് റിപ്പോർട്ടുകൾ.