തമിഴിലെ താരറാണിയായിരുന്ന ജ്യോതികയുടെ രണ്ടാം വരവിലെ രണ്ടാം ചിത്രം മഗളിർ മട്ടും ടീസർ ഇറങ്ങി. സ്ത്രീകൾ മാത്രം എന്നു പേരിലുളള​ ചിത്രത്തിന്റെ പ്രമേയവും അവതരണവും സ്ത്രീകളെ കേന്ദ്രീകരിച്ചാണ്. വിവാഹ ശേഷം അഭിനയത്തിൽ നിന്നു വിട്ടുനിന്ന ജ്യോതികയുടെ രണ്ടാം വരവിൽ ഹൗ ഓൾഡ് ആർ യു എന്ന ചിത്രത്തിന്റെ തമിഴ് റീമേക്കായ 36 വയതനിലെക്കു ശേഷമുളള ചിത്രമാണിത്.

ബ്രഹ്മ സംവിധാനം ചെയ്യുന്ന മഗളിർ മട്ടും എന്ന ചിത്രത്തിൽ പ്രധാന വേഷത്തിലെത്തുന്നതും ജ്യോതികയാണ്. ഡോക്യുമെന്ററി ഫിലിം മേക്കറായി എത്തുന്ന ജ്യോതിക മോഡേൺ വേഷത്തിലാണ് ചിത്രത്തിൽ പ്രത്യക്ഷപ്പെടുന്നത്.

വാഗമണ്ണിലാണ് പ്രധാനമായും ചിത്രത്തിന്റെ ഷൂട്ടിങ്ങ് നടത്തിയത്. ജ്യോതികയുടെ ഭർത്താവും നടനുമായ സൂര്യയുടെ 2ഡി എന്റർടെയിൻമെന്റാണ് ചിത്രത്തിന്റെ നിർമാണം നിർവഹിച്ചിരിക്കുന്നത്. മണികണ്‌ഠൻ കാമറയും ജിബ്രാൻ സംഗീത സംവിധാവനും നിർവഹിച്ചിരിക്കുന്നു.

Get all the Latest Malayalam News and Kerala News at Indian Express Malayalam. You can also catch all the Malayalam Video by following us on Twitter and Facebook